Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyq muǵalimder qala turǵyndaryn vaktsına alýǵa shaqyrady

2021 jyldyń 16 maýsym 2021 13:31

ALMATY. QazAqparat – Almaty qalasynyń bilim berý mekemeleriniń basshylary vaktsına týraly óz oılarymen bólisti, dep habarlaıdy QazAqparat tilshisi.

D.A. Qonaev atyndaǵy kolledj dırektory Raıhan Bólekbaeva koronavırýsqa qarsy ekpe saldyrǵanyn aıtty.

«Meniń oıymsha, bul ózińdi jáne basqalardy vırýstan qorǵaýdyń eń tıimdi ádisi. Barlyq qazaqstandyqtardy da vaktsına alýǵa shaqyramyn. Biz bilim berý salasynyń qyzmetkerleri retinde balalarǵa sapaly bilim berý úshin onlaın oqytý formatynan oflaın rejımine kóshkenin túsinemiz. Óıtkeni, biz olarmen ózara aralasýymyz kerek», - dedi ol.





Óz kezeginde, №95 jalpy bilim beretin mektep dırektory Aınur Sabırova muǵalimderiniń 80%-y vaktsına alǵanyn jetkizdi.

«Biz ekpe aldyq óıtkeni oqýshylardy saǵyndyk. Barlyq azamattardy vaktsına salýǵa shaqyramyn, sebebi deni saý ult- bizdiń bolashaǵymyz. Sondyqtan mektepter bizdiń oqýshylar úshin jáne elimizdiń bolashaǵy úshin ashylýy tıis», - dedi Aınur Sabırova.

Almaty memlekettik energetıka jáne elektrondyq tehnologııalar kolledjiniń dırektory Taıtýleev Tóleýǵalı Muhamedjanuly óz áriptesterine qoldaý kórsetip, barlyq qala turǵyndaryn vaktsına alýǵa shaqyrdy.

«Men vaktsına saldyrý kerek dep oılaımyn. Men vaktsınanyń birinshi dozasyn naýryzdyń basynda, al ekinshisin sáýirdiń basynda aldym. Men úshin bul eń aldymen azamattyq paryz boldy: qoǵam aldyndaǵy paryz, stýdentter men otbasym aldyndaǵy borysh. Sondyqtan vaktsına alý qajet. Halyqtyń basym bóligi vaktsına rásiminen ótken kezde biz qalypty ómirge oralatynymyzǵa senimdimin», - dedi Tóleýǵalı Taıtýleev.





Aıta keteıik, muǵalimderdi erikti vaktsınalaý 2021 jyldyń 3 naýryzynda bastaldy.


Avtor Alma Muqanova
Basty sózder: Vaktsına, Koronavırýs, Almaty,
Joǵary qaraı