Aýa raıy
Astana 13 °S
Almaty 13 °S
valıýta baǵamy
USD 385.96
EUR 423.78
RUB 6.03
CNY 54.16

Almatylyq jas muǵalimderge qarjylaı granttar berilmek

2019 jyldyń 19 tamyz 2019 11:28

ALMATY. QazAqparat – Almatyda jas muǵalimderge granttar berilmek, dep habarlaıdy QazAqparat tilshisi.

«Birinshiden, men pedagogıkalyq ýnıversıteti bitirip eńbek jolyn Almatydaǵy memlekettik mektepterde bastaǵan barlyq jas mamandarǵa jyl saıynǵy birjolǵy materıaldyq kómek berý týraly sheshim qabyldadym. Bıyl 700-ge jýyq jas muǵalim bıýdjet qarajaty esebinen 20 AEK kóleminde grant alady. Bul az ǵana kómek, biraq bul qadam bizdiń pedagogıkalyq qaýymdastyqtyń qoldaýynyń nyshanyna aınalatynyna senimdimin», - dedi Almaty qalasynyń ákimi Baqytjan Saǵyntaev bilim berý qyzmetkerleriniń forýmynda.

«Ekinshiden, biz jylyna bir ret úzdik bilim berý uıymyn 800 aılyq jalaqydan turatyn aqshalaı syılyqpen marapattaý dástúrin jalǵastyramyz. Búgin jeńimpaz 24 mıllıon teńge kóleminde syılyq alady. Sondaı-aq, qalanyń úzdik oqytýshylar quramy jyl saıynǵy aqshalaı syılyqqa ıe bolady », - dedi Baqytjan Saǵyntaev.

Úshinshiden, 2020 jyldan bastap Baqytjan Saǵyntaev megapolıstegi úzdik muǵalimderge jumys nátıjeleri men bilim berý sapasynyń kórsetkishterin kórsetetin Almaty ákiminiń arnaıy granttaryn bere bastamaq.

«Sizder ózderińiz marapatqa shyn laıyq ustazdardy anyqtaýǵa atsalysýlaryńyz kerek», - dedi Almaty qalasynyń ákimi.

Sonymen qatar, qalada aýqymdy aqparattyq naýqan uıymdastyrylýda.

«Biz qalanyń úzdik ustazdardyń, oqý tájirıbesi týraly aıtatyn bolamyz. Bul muǵalim kásibiniń bedelin arttyrady jáne qoǵam úshin bilim berý júıesiniń durys vektorlardy ornatady. Sońynda, men jyl saıynǵy «Úzdik ustaz» qalalyq baıqaýyn jarııalaımyn, onyń nátıjelerin biz ustazdar kúni qarsańynda 2020 jyldan bastap qorytyndylaımyz », - dedi ákim.

Jeńimpazdar - páter, avtokólik jáne basqa da qundy zattarmen marapattalady.


Perevod Alma Muqanova
Basty sózder: Almaty, Bilim,
Joǵary qaraı