Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatylyqtar 1 mamyr - birlik kúnin toılaýdy bastap ketti

2022 jyldyń 30 sáýir 2022 15:44

ALMATY. QazAqparat - Qazaqstanda damýdyń jańa kezeńi bastaldy. Reformalar júzege asady. Munyń bári evolıýtsııalyq jolmen júrip jatyr. QR Aqparat jáne qoǵamdyq damý vıtse-mınıstri Serik Egizbaev «Dostyq úıinde» ótken «Almaty kóktemi» sharasynda osyndaı pikir aıtty, dep habarlaıdy QazAqparat tilshisi.

Sharanyń maqsaty – ortaq qundylyqtardyń negizinde qoǵamdyq kelisim men jalpyulttyq birlik ıdeıasyn ilgeriletý.

«Qazaqstanda damýdyń jańa kezeńi bastaldy. Reformalar júzege asady. Munyń bári evolıýtsııalyq jolmen júrip jatyr. Bul - úlken ózgeris. Qazaqstan halqy jaqsy jáne beıbit zamanda ómir súrýi úshin bárimiz eńbek etýimiz kerek. Alǵa qoıǵan maqsatymyzdy júzege asyrý úshin birlikte bolýymyz qajet. Mereke qutty bolsyn!» - dedi QR Aqparat jáne qoǵamdyq damý vıtse-mınıstri Serik Egizbaev.

Merkelik sharaǵa BUU Jahandyq kommýnıkatsııalar departamentiniń ókili Vlastımıl Samek, QR Parlamenti Májilisiniń depýtaty, Aýǵan soǵysynyń ardageri Baqytbek Smaǵul, Qazaqstan halqy Assambleıasynyń, zııaly qaýym jáne etnomádenı birlestikterdiń ókilderi, qala turǵyndary men qonaqtary qatysty.





«Búkilqazaqstandyq birliktiń biregeı modelin qalyptastyrýda Qazaqstan halqy Assambleıasy mańyzdy ról atqarady. Ózge ult ókilderiniń Qazaqstan halqy Assambleıasynyń mańaıyna toptasyp, óziniń salt-dástúri men mádenıetin damytýǵa múmkindigi mol. Bul rette Assambleıa ózge elderge, memleketterge úlgi kórsetip otyr. Prezıdent Qasym-Jomart Toqaev aıtqandaı, Qazaqstannyń alǵa basýynyń negizgi kúshi - jastar. Búgingi sharaǵa da jastar kóp jınalypty. Memleket basshysy sizderge senedi. Alǵa, Qazaqstan!» - dedi BUU ókili Vlastımıl Samek.

Jınalǵandar eldegi árbir etnosqa salt-dástúrin, mádenıeti men ádebıetin damytýǵa, tiliniń jetilýine qoldaý kórsetilip otyrǵanyn atap ótti. Osynyń bári etnosaralyq qatynastar salasynda memlekettik saıasattyń tıimdi júzege asyrylýynyń arqasy ekenin aıtty.

Sonymen qatar, is-shara barysynda kontserttik baǵdarlama uıymdastyryldy. «ıAblonevaıa Palıtra» sýretshiler qaýymdastyǵy otandyq qylqalam sheberleriniń tańdaýly eńbekterinen «Almaty kóktemi» kórmesin usyndy.

Aıta keteıik, búgingi kúni Almatyda 37 etnomádenı birlestik jumys isteıdi.












Joǵary qaraı