Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtar barlyq epıdqaýipsizdik sharalaryn saqtaǵany durys – Baqytjan Saǵyntaev

2021 jyldyń 22 qyrkúıek 2021 21:31

ALMATY. QazAqparat – Almaty ákimi Baqytjan Saǵyntaev «Almaty» telearnasyndaǵy Akimat live baǵdarlamasynyń tikeleı efırinde koronavırýstyń aǵymdaǵy jaǵdaıy jáne vaktsınalaný qarqyny týraly aıtty, dep habarlaıdy QazAqparat tilshisi.

Almaty epıdemıologııalyq baǵalaý matrıtsasy boıynsha áli qyzyl aımaqta.

«22 qyrkúıekte qalada koronavırýs ınfektsııasynyń 164 289 jaǵdaıy tirkeldi, onyń ishinde 141 872 naýqas sımptomdy jáne 22 417 – sımptomsyz, anyqtalmaǵan pnevmonııa – 2346. 21 qyrkúıete koronavırýs ınfektsııasynyń 498 jaǵdaıy tirkeldi, onyń ishinde 470-i sımptomdy, 28-i sımptomsyz, anyqtalmaǵan pnevmonııa – 5»,- dedi qala ákimi.

Baqytjan Saǵyntaev qalada koronavırýsqa shaldyqqan naýqastarǵa arnalǵan tósek oryndar men naýqastardyń búgingi naqty sanyn aıtty: «Infektsııalyq statsıonarlarda 5230 tósek oryn bar, olarda 2337 adam emdelýde, onyń ishinde 111 bala. 100 naýqas aýrýhanaǵa óte aýyr jaǵdaıda tústi, 993-iniń jaǵdaıy aýyr, 1241-i ortasha aýyrlyqta, 3-iniń jaǵdaıy jeńil. Reanımatsııa jáne ıntensıvti terapııa bóliminde 229 naýqas jatyr. ÓJJ apparatynda – 43, ınvazıvti emes ÓJJ – 103, High flow apparatyndaǵylar – 68».

Shahar basshysy áli de sanıtarlyq-epıdemıologııalyq qaýipsizdik sharalaryn saqtaý kerektigin jáne indetke qarsy jappaı vaktsınalaný - ınfektsııanyń jańa tolqynynyń aldyn alýǵa kómektesetinin aıtty.

«Ekpe saldyrý elimizdiń keıbir aımaqtarynda tirkelgen jańa Eta shtammyna da tosqaýyl bolady»,- dedi B.Saǵyntaev.

Ótken táýlikterde birinshi komponentpen 2417 adam, ekinshi komponentpen 3906 adam vaktsınatsııalandy. 1 aqpannan 21 qyrkúıekke deıingi aralyqta 933 678 adam I komponentpen, 827 239 ІІ komponentpen egildi.


Avtor Dýman Arǵyngeldi
Basty sózder: Almaty, Koronavırýs, Karantın,
Joǵary qaraı