Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtar Esentaı ózeniniń qazirgi jaı-kúıine alańdap otyr

2021 jyldyń 20 qazan 2021 15:11

ALMATY. QazAqparat - Almaty turǵyndary Esentaı ózeni arnasynyń qazirgi jaı-kúıine alańdaýshylyq bildirdi. Sebebi, qazir arnada sý joq jáne túbi topyraq, tunba, basqa da shógindilerden tazartylmaǵan, dep habarlaıdy QazAqparat tilshisi.

Facebook jelisind e tazalanbaǵan ózen túbiniń sýretteri paıda boldy.

«Sátpaevtan tómen Vesnovkanyń (Esentaı) qazirgi kórinisi osyndaı», - dep jazdy avtor foto astynda.

Jeli qoldanýshylary da ózderiniń narazylyǵyn qaldyrdy.

«Vesnovka sumdyq... Mıllıon turǵyny bar qalanyń ortalyǵy osyndaı... Ál-Farabıden joǵary jáne tómen dál osylaı kórinedi... Jaz boıy sý bolǵan joq... Jazda eshteńe jasalmady... Sý da joq, aǵashty sýarý da joq... Ál-Farabıden joǵary qurǵaq kóshetter alynyp, ornyna jańa kóshetter otyrǵyzyldy, biraq sýarylmaıdy... Qurmanǵazy kóshesiniń tómen jaǵyndaǵy batpaqtanǵan Vesnovkadan jaman ıis shyǵady», - dep jazdy turǵyndar.

Bul másele boıynsha Almaty qalasynyń Jasyl ekonomıka basqarmasynda jaýap berdi.

Basqarmanyń málimetinshe, atalǵan ýchaskedegi Esentaı ózeniniń arnasyn rekonstrýktsııaǵa jobalyq-smetalyq qujattama ázirleý úshin qarajat bólýge bıýdjettik ótinim beriledi.

«Qarajat bólingen kezde jobany ázirleý jumystary bastalady. Qazir sý bólgishten Jamaqaev kóshesine deıin Esentaı ózeni arnasynyń sý qorǵaý beldeýi ýchaskesin rekonstrýktsııa jumysy júrgizilip jatyr. Osyǵan baılanysty Esentaı ózeni sýynyń bir bóligi Kishi Almaty ózenine jiberiledi. Joǵaryda aıtylǵandarǵa baılanysty sý deńgeıi ýaqytsha tómendedi. Jumystar qarasha aıynyń sońynda aıaqtalady», - dep túsindirdi basqarma.

Úlken Almaty jáne Esentaı ózenderiniń arnalaryn tazartý jónindegi baǵdarlamanyń ákimshisi - «Qazseldenqorǵaý» MM.


Avtor Dýman Arǵyngeldi
Basty sózder: Ekologııa, Almaty,
Joǵary qaraı