Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtar kópqabatty úı qabyrǵasyndaǵy oıynhana jarnamasyna narazylyq bildirdi

2021 jyldyń 19 sáýir 2021 13:18

ALMATY. QazAqparat – Almatylyqtar kópqabatty úıdiń qabyrǵasyna ilingen oıynhana jarnamasyna narazylyq bildirdi. Qalalyq ákimdik bul jaǵdaıǵa qatysty túsinikteme berdi, dep habarlaıdy QazAqparat tilshisi.

Almatylyq Alena Plýjnıkova Facebook áleýmettik jelisindegi «Dejýrnyı po gorodý» tobynda oıynhana jarnamasyna qatysty jazba jarııalady.

«Byltyr Maqataev kóshesindegi turǵyn úıge ilingen jarnama banneri alyp tastaldy. Biraq bıyl qaıtadan ornyna ilip qoıypty. Mundaı jarnamany turǵyn úıler qasbetine ilýge bol ma, bul zańdy ma?», - dep jazdy ol.

Almaty qalalyq josparlaý jáne ýrbanıstıka basqarmasy Medeý aýdany ákimi apparatyna tirkelmegen bannerdi joıý týraly hat joldaǵandaryn atap ótti.

«Abattandyrý erejelerine sáıkes barlyq nysannan (ǵımarattar men qurylystar qasbeti, dúkender jáne t.b.) ruqsatsyz ornalastyrylǵan aqparattyq habarlamalardy, jazýlar men beınelerdi joıý, sondaı-aq zańnamany buza otyryp ornatylǵan aqparattyq bannerlerdi joıý jumystary Almaty aýdandary ákimi apparatyna, nysannyń menshik ıelerine nemese jalǵa alýshy tulǵaǵa júkteledi», - dep habarlady basqarmadan.


Avtor Alma Muqanova
Basty sózder: Almaty, Qoǵam, Ákimdik,
Joǵary qaraı