Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtar Múlik ıeleri birlestigine aýysýǵa nege asyqpaıdy

2021 jyldyń 22 sáýir 2021 17:48

ALMATY. QazAqparat - Almatylyqtar Páter ıeleri kooperatıvinen (PIK) Múlik ıeleriniń birlestigine (MIB) aýysýǵa nege asyqpaıdy? Bul saýalǵa onlaın brıfıng barysynda Almaty qalasy Turǵyn úı saıasaty basqarmasynyń basshysy Erjan Seıtenov jaýap berdi, dep habarlaıdy QazAqparat tilshisi.

«MIB-ti tirkeýdiń tómen qarqynmen júrýiniń sebepteriniń biri koronavırýsqa baılanysty shekteýlerdiń áseri bolýy múmkin. Jappaı jınalystarǵa tyıym salyndy, bul jaǵdaıda ondaı keńester turǵyndar ózderiniń ortaq úıin basqarý formasyn tańdaý týraly biryńǵaı sheshim qabyldaýy úshin kerek», - deıdi spıker.

Onyń aıtýynsha, búginde Turǵyn úı saıasaty basqarmasynyń qyzmetkerleri halyqpen keń aýqymdy túsindirý jumystaryn jalǵastyrýda. Ótken jyldyń ózinde 6 700 kóppáterli turǵyn úıdi qamtýmen 2 400-ge jýyq jınalys ótkizildi. Alaıda, ázirge kóppáterli turǵyn úılerdiń tek 8% basqarýdyń jańa nysanyna kóshti.

Almatydaǵy epıdemıologııalyq jaǵdaı turaqtanǵannan keıin basqarýdyń jańa formalaryna kóshý ákimdik ázirlegen keste boıynsha jalǵasady.

Erjan Seıtenov Almatyda 870 PIK jumys isteıtinin, olardyń kóbi birden birneshe júzdegen úıdi basqaratynyn jetkizdi. Sondyqtan aqsha barlyǵyna bólinedi, al MIB-tiń artyqshylyǵy bir úıge tıesili bir shot bolady.

Aıta keteıik, Qazaqstanda barlyq PIK 2022 jyldyń 1 shildesine deıin qaıta uıymdastyrylady. Osy ýaqyttan keıin barlyq PIK-ter basqarýshylar men servıstik kompanııalar qataryna ketýi tıis.


Avtor Alma Muqanova
Basty sózder: Aımaq, Almaty, Turǵyn úı, Qoǵam,
Joǵary qaraı