Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyqtardyń kólik salyǵy boıynsha bereshegi 7,6 mlrd teńgege jetken

2021 jyldyń 22 sáýir 2021 12:25

ALMATY. QazAqparat – Megapolıste bıyl jeke tulǵalardan 5,3 mlrd teńge kólik salyǵy tústi. Bul týraly Almaty qalasy boıynsha memlekettik kirister departamenti málim etti, dep habarlaıdy QazAqparat tilshisi.

Jalpy salyq organdary jeke tulǵalarǵa 2020 jylǵa arnalǵan salyqty 12,9 mlrd teńgeden astam somaǵa 564 924 kólikke eseptedi.

«Sonymen birge qalamyzdyń 115 928 turǵynynyń jalpy somasy 7,6 mlrd teńgeden asatyn kólik salyǵy boıynsha bereshegi bar. Salyq kodeksine engizilgen ózgeristerge sáıkes, 2020 jylǵy kólik quraldaryna salynatyn salyqty jeke tulǵalar 2021 jylǵy 1 sáýirden keshiktirmeı tóleýi qajet. 2 sáýirden bastap árbir keshiktirilgen kún úshin ósimpul esepteledi», - dep atap ótti departamenttegiler.

Sonymen qatar, memlekettik kirister organdary boryshkerlerge qatysty qaryzdy májbúrlep óndirip alýdyń kelesi sharalaryn qoldanady:

- qaryz paıda bolǵan kúnnen bastap 20 jumys kúninen keıin boryshkerge salyq bereshegi týraly habarlama jiberiledi;

- habarlama jetkizilgen kúnnen bastap 30 jumys kúninen keıin (1 AEK-ten joǵary qaryz tólenbegen jaǵdaıda), salyq bereshegi boıynsha salyq buıryǵy boryshkerge jiberiledi;

- buıryq boryshkerge jetkizilgen kúnnen bastap bes jumys kúninen keıin materıaldar atqarý organdaryna beriledi.


Avtor Alma Muqanova
Basty sózder: Almaty, Salyq, Kólik,
Joǵary qaraı