Aýa raıy
Astana 30 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Almatyny dári-dármekpen úzdiksiz qamtý qalaı iske asyrylmaq

2020 jyldyń 8 shilde 2020 12:43

ALMATY. QazAqparat – Almaty ákimi Baqytjan Saǵyntaev selektorlyq keńes barysynda farmındýstrııa ókilderimen dári-dármek preparattaryn jáne medıtsınalyq zattardy úzilissiz jetkizý máselelerin talqylady, dep habarlaıdy QazAqparat tilshisi.

Keńestegi basty másele dári-dármek naryǵynyń turaqtylyǵyn qamtamasyz etý boldy. Óndiristik kompanııalardyń, dárihanalar jelisiniń jáne salalyq qaýymdastyqtyń ókilderi preparattardyń qory jáne olardy ýaqytyly jetkizý josparlary týraly aıtty. Sonymen qatar, olar protsedýralardy rásimdeý jáne júkterdi qabyldaý týraly sóz etti.

Qala ákimi tıisti qyzmetterge medıtsınalyq preparattar men zattardyń esh kedergisiz ótýin qamtamasyz etýdi tapsyrdy. Qajet bolsa salyqtyq jáne kedendik ákimgerlik, sonymen qatar sheteldik taýar sertıfıkattaryn alý jedeldetiledi.

Sonymen qatar, keńeste dári-dármektiń turaqty qoryn qurý máselesi talqylandy. ıAǵnı, óte qajet dári-dármekterdiń jartyjyldyq qory jasalady. Eger dári tapshylyǵy oryn alsa, olar birden qalanyń dárihana jelisinen alynatyn bolady.

Baqytjan Saǵyntaev qazirgi kezde qala turǵyndarynyń densaýlyǵyn saqtaý birinshi kezektegi ári basty mindet ekenin atap ótti. Densaýlyq saqtaýdyń qajettiligine tıisti qarjynyń barlyǵy bólinetin bolady.

Qala ákimi naryqqa qatysýshylardy dári-dármektiń jetkizilýi týraly shuǵyl aqparat berýge jáne der kezinde kómek alýǵa shaqyrdy. Barlyq máseleler shuǵyl sheshiledi.


Joǵary qaraı