Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń bilim berý uıymdary «bultty býhgalterııaǵa» tolyq qashan kóshedi

2021 jyldyń 19 sáýir 2021 22:04

ALMATY. QazAqparat - Almatynyń bilim berý uıymy 2021 jyldyń 1 qyrkúıeginde «bultty býhgalterııaǵa» tolyq kóshedi. Bul týraly onlaın brıfıng barysynda qalalyq bilim basqarmasy basshysynyń orynbasary Aıdyn Saılaýbaı aıtty, dep habarlaıdy QazAqparat tilshisi.

Aıdyn Saılaýbaıdyń pikirinshe, býhgalterııanyń avtomattandyrylýy mektepterde bıýdjettik qarjynyń ashyq júrgizilýin qamtamasyz etýge múmkindik beredi. Jekeleı alǵanda, júıeniń avtomattandyrylýy sybaılas jemqorlyq qaýpin azaıtady, árbir bilim berý mekemesinde qarjylandyrýdyń tolyq kólemi ashyq bolady, shyǵynnyń qandaı maqsatta jumsalatyny belgili bolady. Sonymen birge, mektepter men balabaqsha basshylyǵynan sharýashylyq turǵyda artylǵan júktemeni ishinara azaıtýǵa múmkindik beredi.

«Mysaly, búgingi tańda mektep dırektorlary balalarǵa bilim berýden bólek, qarjylyq menedjmentpen aınalysady. Býhgalterııanyń ortalyqtandyrylǵan bultty sheshimge aýystyrylýy Qazaqstan Respýblıkasynyń bilim jáne ǵylym mınıstriniń 2020 jylǵy 2 naýryzdaǵy buıryǵymen anyqtalǵan. Qazirgi ýaqytta Almaty qalasy bilim basqarmasy 451 bilim berý uıymynda qarjy-sharýashylyq qyzmetin ashyq júrgizý úshin bultty býhgalterııany engizýdi josparlap otyr», - deıdi vedomstvo ókili.

Onyń ishinde 189 balabaqsha, 207 mektep, 14 ınternat, 22 kolledj, 17 mektepten tys uıym jáne basqa da mekemeler bar.

«Bultty býhgalterııa – bul qashyqtaǵy serverde ornalasqan jáne ınternet jelisi arqyly jumys isteýge arnalǵan býhgalterlik baǵdarlamalar jıyntyǵy. Derekter bir úlken vırtýaldy server bolyp tabylatyn bult dep atalatyn jerde saqtalady jáne óńdeledi. Bultty býhgalterııa qyzmetkerler úshin avtomattandyrylǵan jumys orny bolyp tabylatyndyqtan, paıdalanýshyǵa tolyqqandy jumys isteý úshin tek kompıýter jáne ınternet jelisine turaqty qoljetimdilik qajet», - dedi spıker.

Sonymen qatar,ol bultty býhgalterııany qoldaný kezinde mektepter men balabaqshalarǵa býhgalterlik baǵdarlamanyń ózin alýdyń qajeti joq ekendigin aıtty.

«Bultty býhgalterııanyń» úlken artyqshylyǵy-kadrlardy enbek.kz-pen birge elektrondy esepke alýdy engizý. Eki baǵdarlamanyń arqasynda pedagog kadrlardyń ótilin anyqtaýǵa, jalaqyny jáne basqa da tólemderdi esepteýge bolady»,-deıdi ol.

Aıdyn Saılaýbaı mektep býhgalterlerine jumystan qysqartý bolady dep alańdaýdyń qajeti joqtyǵyn aıtyp, sendirdi.

«Bul sheshimdi qoldaný kezinde adamdardy avtomatty taldaý júıelerine aýystyrý týraly sóz bolyp otyrǵan joq. Bultty býhgalterııany engizý esebinen jumys oryndaryn qysqartý kózdelmeıdi, negizgi maqsat esep pen esep júrgizýdiń ashyqtyǵyn arttyrý bolyp tabylady», - dep atap ótti basqarma basshysynyń orynbasary.

Bultty býhgalterııaǵa» kóshirý kezeńimen júrgiziledi. Birinshisinde 240 bilim berý uıymynda qoldanystaǵy býhgalterlik esep bultty býhgalterııaǵa aýystyrylady. Ekinshi kezeńde bul 211 mekemede júrgiziledi.

«Bultty býhgalterııaǵa 2021 jyldyń 1 qyrkúıeginde tolyǵymen kóshý kútilýde. Almatyda jańa júıege kóshý 1 sáýirde bastaldy. Megapolıste 451 memlekettik bilim berý uıymynda qarjy-sharýashylyq qyzmetin jańa formatta júrgizý josparlanýda»,- dep qortyndylady Aıdyn Saılaýbaı.


Joǵary qaraı