Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń horeografııa ýchılıesinde QR Tuńǵysh Prezıdent kúnine oraı kontsert ótti

2021 jyldyń 1 jeltoqsan 2021 18:28

ALMATY. QazAqparat - Almatyda A.Seleznev atyndaǵy Almaty horeografııa ýchılıesinde QR Tuńǵysh Prezıdent kúnine oraı merekelik kontsert ótti, dep habarlaıdy QazAqparat tilshisi.

Kontserttik baǵdarlamada 20-ǵa jýyq tanymal nómir usynyldy. Atap aıtar bolsaq, Mıgel Servantestiń romany boıynsha qoıylǵan L. Mınkýstyń áıgili «Don Kıhot» baleti, halyq bıleri, zamanaýı horeografııa qoıylymdary, sondaı-aq balalarǵa arnalǵan «Pıngvın patshasy» jáne taǵy basqalary sahnalandy.

Memlekettik merekelerde A.Seleznev atyndaǵy Almaty horeografııalyq ýchılıesinde kontsertter uıymdastyrý dástúrge aınalǵan.

«Bul kontsertke bastaýysh, orta jáne joǵary synyptardyń balalary qatysyp jatyr. Jas talanttardyń mundaı kontserttik baǵdarlamaǵa qatysýy – kásibı sahnalyq tájirıbe. Bul kásibı daǵdylardy meńgerýge, ártistik sheberlikti damytýǵa jáne óz jetistikterin kórsetýge múmkindik beredi», - dep habarlady oqý ornynan.

Sharaǵa Eýrazııalyq mádenıet qorynyń prezıdenti, T.Júrgenov atyndaǵy Qazaq ulttyq óner akademııasynyń qurmetti professory, kompozıtor Erulan Qanapııanov qatysty. Ol 2021 jylǵy stıpendıattardy quttyqtap, mekteptiń eki túlegine dıplom men estelik syılyq tabys etti.












































Joǵary qaraı