Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń ındýstrıaldy aımaǵynda 9 joba júzege asyrylady

2021 jyldyń 26 mamyr 2021 20:00

ALMATY. QazAqparat – Almatynyń ındýstrıaldy aımaǵynda 100 mlrd teńgeniń ónimin óndirýge múmkindik beretin 14 ınvestıtsııalyq joba júzege asty. Bul týraly qala ákimi Baqytjan Saǵyntaev «Almaty» telarnasynyń tikeleı efırinde aıtty, dep habarlaıdy QazAqparat tilshisi.

Almatyda jyl sońyna deıin 40,5 mlrd teńgeniń 9 jobasyn iske qosý josparlanyp otyr. Іri jobalardyń biri – Hyundai jeńil kólikterin shyǵaratyn zaýyt.

«Almaty Business baǵdarlamasy aıasynda Indýstrıaldy aımaqpen qatar 10 shaǵyn óndiristik park quryldy. Investıtsııalardyń jalpy somasy – 5,3 mlrd teńge, onyń ishinde 2020 jyly 3 óndiristik park iske qosyldy, jyl sońyna deıin 5 óndiristik parkti ashý josparlanǵan. Munda 1,1 myńnan astam jumys orny ashylady. Óndiristik parkterde tamaq, jeńil ónerkásip, jıhaz jáne ónerkásiptik qurylys salalarynyń 29 kásiporyny jumys jasap tur»,- deıdi ákim.

Joǵary tehnologııaly kompanııalar úshin «Innovatsııalyq tehnologııalar parki» arnaıy ekonomıkalyq aımaǵy bar.

Infraqurylym salyndy, qatysýshylarǵa salyqtyq jáne kedendik jeńildikter usynylady.

Qazaqstanda alǵashqy farmatsevtıkalyq klasterdi qurý úshin 4 kompanııa tartyldy, al ınvestıtsııa kólemi - 33 mlrd teńge.

Sondaı-aq, qural-jabdyqtar jasaıtyn salada quny 10,3 mlrd teńge bolatyn 4 joba júzege asyrylady.

«Jobalardy iske asyrýda Almatynyń iskerlik keńesi aýqymdy jumystar júrgizdi, óıtkeni onyń quramynda bıznestiń adamdary bar. Keńes janynan 9 salalyq komıtet qurylǵan, bularda bıznesti qoldaýdyń ózekti máseleleri talqylanady. Іskerlik keńestiń qatysýymen qala ekonomıkasyn qalpyna keltirý jáne damytý boıynsha daǵdarysqa qarsy sharalar ázirlengen bolatyn»,- dedi Baqytjan Saǵyntaev.


Joǵary qaraı