Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń sanıtarlyq-epıdemıologııalyq baqylaý departamenti turǵyndardy vaktsına alýǵa shaqyrdy

2021 jyldyń 20 qyrkúıek 2021 20:13

ALMATY. QazAqparat – Almatyda epıdemıologııalyq jaǵdaıy áli de turaqsyz. Bul týraly qalalyq sanıtarlyq-epıdemıologııalyq baqylaý departamenti málim etti, dep habarlaıdy QazAqparat tilshisi.

Almatynyń sanıtarlyq-epıdemıologııalyq baqylaý departamentiniń málimeti boıynsha, ınfektsııalyq statsıonarlarda 2775 naýqas jatyr. Onyń ishinde 109 bala.

Jansaqtaý bóliminde – 266 naýqas jatyr.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 5723 patsıent bar.

«Vaktsınalanbaǵan turǵyndar qaýip aımaǵynda tur, sondyqtan COVID-19-ǵa qarsy profılaktıkalyq vaktsınany alý qajet. Ásirese 60 jastan asqan turǵyndardyń alǵany jón, óıtkeni olardyń arasynda dert juqtyrǵandar 12%-dy quraıdy. 20-39 jas aralyǵyndary qala turǵyndary da qaýip aımaǵynda. Osy sanattaǵy dert juqtyrǵandar 28%-ǵa jetti. 45-50 jas aralyǵynda KVI juqtyrǵandar sany 24%-dan astam»,- dep habarlady departamentten.

Pandemııa kezinde jeke qorǵanys sharalaryn saqtaý mańyzdy, ásirese adamdar kóp jınalatyn jerlerde, jabyq bólmelerde, betperde taǵý qajet.

Epıdemıologııalyq zertteýleri boıynsha Almatyda dert juqtyratyn negizgi oryndar: otbasylyq baılanys - 20,1%, saýda obektileri - 20,8%, onyń ishinde bazarlar - 9,1%, qoǵamdyq kólikter - 19,7%.

Juqpaly aýrýlardyń bastalý maýsymynyń aldynda Almaty turǵyndary koronavırýsqa qarsy vaktsınalanýlary tıis. Eldegi vaktsınalar jaqsy zertteýden ótkender.


Avtor Alma Muqanova
Basty sózder: Qoǵam, Almaty, Medıtsına,
Joǵary qaraı