Aýa raıy
Astana 9 °S
Almaty 22 °S
valıýta baǵamy
USD 421.58
EUR 496.83
RUB 5.53
CNY 62.20

Almatynyń shetki aımaqtarynda 100 shaqyrym jańa jol salynady

2020 jyldyń 11 tamyz 2020 22:09

ALMATY. QazAqparat– Baqytjan Saǵyntaevtyń tapsyrmasymen Almatynyń shetki aýmaqtarynda 111 shaqyrym jańa jol paıda bolady. Bul týraly óńirlik kommýnıkatsııalar qyzmetiniń alańynda ótken onlaın brıfıng barysynda Almaty qalalyq Mobıldilik basqarma basshysynyń orynbasary Ernur Abjahan aıtty, dep habarlaıdy QazAqparat tilshisi.

«Shetki aýmaqtar boıynsha 200 shaqyrym joldyń negizgi bóligine,ıaǵnı shamamen 50%-dan astamyna ortasha jóndeý júrigizildi. Ol Alataý, Naýryzbaı jáne Bostandyq aýdandary. Buryn qatty jabyndy bolmaǵan shaǵyn aýdandarda jobalyq-smetalyq qujattary ázirlenýde. Atalǵan JSQ júzege asyrylǵannan keıin shamamen 111 shaqyrym jańa jol paıda bolady», – dedi Ernur Abjahan .




Jalpy aǵymdaǵy jyly uzyndyǵy 47,4 shaqyrymdy quraıtyn 177 kóshede jóndeý jumystary júrgizilýde,onyń ishinde112 kóshe boıynsha uzyndyǵy 18,6 shaqyrym jańa joldyń qurylysy aıaqtaldy. Jyl sońyna deıin qalǵan 65 kóshe paıdalanýǵa beriledi.

Sonymen qatar,jol ınfraqurylymynyń sapasyna qatysty suraqtar boıynsha qala turǵyndary 1308 nomeri boıynsha Open Almaty qoǵamdyq qabyldaýǵa júgine alady, bolmasa áleýmettik jelilerdegi Almaty qalasynyń qalalyq Mobıldilik basqarmasynyń akkaýnttaryna habarlasýǵa bolady.


Avtor Alma Muqanova
Basty sózder: Almaty, Jol,
Joǵary qaraı