Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almaz Sharman koronavırýstyń eń agressıvti nusqasyn atady

2021 jyldyń 24 qyrkúıek 2021 14:35

ALMATY. QazAqparat- Keıbir elderde vaktsınalaýdyń keshigýi koronavırýstyń jańa nusqalarynyń paıda bolýyna ákelýi múmkin. Bul týraly profılaktıkalyq medıtsına akademııasynyń prezıdenti,Amerıka densaýlyq saqtaý qaýymdastyǵynyń múshesi Almaz Sharman onlaın brıfıng barysynda aıtty, dep habarlaıdy QazAqparat tilshisi.

Professordyń sózinshe, vırýstyń shtamdary men varıanttaryn ajyratý qajet. Keıbir tehnıkalyq aıyrmashylyqtar bar.

«Biz koronavırýstyń ár túrli nusqalary týraly aıtyp jatyrmyz. 1 maýsymnan bastap Dúnıejúzilik densaýlyq saqtaý uıymy olardy grek alfavıti áripterimen, ıaǵnı – «alfa», «beta», gamma, «delta» dep atap keledi. Jalpy pandemııa bastalǵaly búkil álemde kóptegen nusqalar tirkeldi. Shamamen aı saıyn eki nemese úsh nusqa paıda boldy. Sonymen qatar, tıimdi vaktsınalardyń paıda bolýymen mýtatsııanyń jıiligi jyldamdady. Bul tabıǵı evolıýtsııalyq protsess,-dedi professor.

Onyń aıtýynsha, vırýs tiri qalýdyń jolyn izdep, belsendi túrde mýtatsııalana bastaıdy.

«Іs júzinde, vırýstyń tek 30 myń nýkleotıd negizi bar jáne onyń mýtatsııalyq nusqalarynyń sany shekteýli. Vırýstardyń birneshe nusqalary bar, olar juqpaly jáne vaktsınalarǵa tózimdi bolýy múmkin, biraq olar juqpalylyǵyn joǵaltady. Bul alfa, beta jáne gamma nusqalarymen boldy. Biz qazir «deltanyń» óte juqpaly nusqasymen kúresip jatyrmyz. Bul koronavırýstyń sońǵy agressıvti nusqasy dep oılaımyn jáne bolashaqta pandemııa báseńdeýi kerek», - dedi Almaz Sharman.

Spıker vırýstyń ońtústikafrıkalyq nusqasynyń vaktsınaǵa tózimdi ekeni anyqtalǵanyn jetkizdi. Alaıda ol tez juqpaıtyn kórinedi. Al «delta» nusqasy ózinen burynǵylardy yǵystyryp, qaýipti ári juqpaly bolyp shyqqan.

Sonymen qatar, ol vırýstyń shtammdary men nusqalaryn shatastyrmaýdy surady. Ol shtamdar vırýstyń taǵy bir sapalyq sıpattamasy ekenin atap ótti.


Avtor Alma Muqanova
Basty sózder: Almaty, Koronavırýs, Medıtsına,
Joǵary qaraı