Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Altaı Kólginov túlekterge bilim grantyn tabystady

2020 jyldyń 6 qyrkúıek 2020 01:16

NUR-SULTAN. QazAqparat – Elordada qala ákimi grantynyń ıegerlerine sertıfıkat tabystaldy, dep habarlaıdy QazAqparat tilshisi.

«Mamandyq tańdaý - ár oqýshy ómirindegi mańyzdy ári jaýapty qadam. Bıyl ákimdikten joǵary jáne joǵary oqý ornynan keıingi bilim berýge 861 grant bólindi. Rezıdentýrada dárigerlerdi oqytýǵa 300-ge jýyq, pedagogıkalyq mamandyqtarǵa - 485 grant.

Az qamtylǵan otbasylarda tárbıelenip jatqan balalar úshin bir jarym ese arttyrdyq. Grant erekshe qajettiligi bar balalarǵa, jetim balalarǵa, az qamtylǵan otbasylarda tárbıelenip jatqan balalarǵa bólindi. Túlekter IT-tehnologııalar, stomatologııa, jalpy medıtsına, áleýmettik jumys, ınjener, elektronıka jáne energetıka, pedagog, shet tili, kólik qyzmeti jáne logıstıka, quqyq, týrızm jáne t. b. mamandyqtar boıynsha oqýǵa tústi», - dep jazdy qala ákimi Altaı Kólginov Instagram-daǵy paraqshasynda.
Onyń aıtýynsha, bul kómek joǵary bilim alý úshin aıtarlyqtaı qoldaý bolmaq. Ol memleket jyl saıyn myńdaǵan grant bóletinin atap ótti. Sondaı-aq, «Bolashaq» baǵdarlamasy boıynsha stýdentter sheteldik bilim alady.








«Kúndelikti eńbektenip, bilim alý arqyly ǵana tabysqa qol jetkizýge bolady. Barlyq mamandyq mańyzdy. Eń bastysy – eńbek etý.
Prezıdent halyqqa Joldaýynda bilim berý salasyn mańyzdy baǵyttardyń biri dep aıtty. Oqý úshin qolaıly jaǵdaı jasaý, túrli qyzmetter alý úshin qalada jyl saıyn balabaqshalar, mektepter, medıtsınalyq ortalyqtar jáne basqa da mańyzdy nysandar salynyp jatyr. Sondaı-aq, jańa jumys oryndaryn ashyp jatyrmyz.
Mektep túlekterin - qazirgi stýdentterdi - eresek ómirińizdiń sátti bastalýymen quttyqtaımyn! Densaýlyq, baqyt jáne tabys tileımin!», dedi elorda ákimi.





Eske slaa ketsek, 25 tamyzda Nur-Sultan qalasy ákiminiń bilim grantyn ıelengender tizimi jarııalanǵan edi.


Joǵary qaraı