Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Altaı» voleıbolshylaryna halyqaralyq dárejedegi sport sheberi ataǵy beriledi

2021 jyldyń 14 qazan 2021 15:59

ÓSKEMEN. QazAqparat – Bıyl Azııa chempıony atanǵan shyǵysqazaqstandyq «Altaı» voleıbol klýbynyń oıynshylaryna halyqaralyq dárejedegi sport sheberi ataǵy berilmek, dep habarlaıdy QazAqparat tilshisi.

Shyǵys Qazaqstan oblysynyń ákimi Danıal Ahmetov «Altaı» voleıbolshylarymen kezdesý ótkizip, sportshylar men jattyqtyrýshylar quramyn klýbtyq Azııa chempıonatyndaǵy jeńisimen quttyqtady.

«Alty jyl buryn biz osy klýbty qurdyq. Voleıbolshylarymyzdyń mundaı myqty nátıjelerge qol jetkize alatyndyǵyna kóbiniń kúdikpen qaraǵany ras. Biraq búginde olar múmkin emes eshteńe joqtyǵyn dáleldedi. El Prezıdenti Qasym-Jomart Toqaev QR Mádenıet jáne sport mınıstrine «Altaı» oıynshylaryna halyqaralyq dárejedegi sport sheberi ataǵyn berýdi tapsyrdy», - dedi aımaq basshysy.

Onyń aıtýynsha, qazir klýbtyń basty maqsaty – Qazaqstan chempıonatynda laıyqty óner kórsetip, 2024 jyly Olımpıada oıyndaryna daıyndalý jáne álemniń eń úzdik klýbtarynyń úshtigine kirý.

«Bastysy aldyǵa asqaq maqsattar qoıýdan jasqanbaı, kerisinshe oǵan jetýdiń joldaryn qarastyrýdan taıynbaý qajet. Komandanyń kúsheıip jatqany qýantady. Al ekinshi «Altaı» komandasy da qazaqstandyq jarystarda óz ónerlerin kórsetýge saqadaı saı. Sondaı-aq Semeı qalasynda taǵy bir klýb uıymdastyrý týraly sheshim qabyldandy. Óıtkeni voleıbol óte tanymal jáne kóptegen azamattardyń qyzyǵyp kóretin sport túri», - dedi Danıal Ahmetov.

Esterińizge sala ketsek, osyǵan deıin «Altaı» voleıbol klýbynyń Azııa chempıony atanǵany habarlanǵan.


Joǵary qaraı