Aýa raıy
Astana 14 °S
Almaty 16 °S
valıýta baǵamy
USD 385.96
EUR 423.78
RUB 6.03
CNY 54.16

Altaıda joǵalǵan 2 jasar bala dronmen izdestirilýde

2019 jyldyń 19 tamyz 2019 11:55

ALTAI AÝDANY. QazAqparat – Eki táýlikten beri Altaı aýdanynda joǵalǵan 2 jasar bala tabylmaı jatyr, dep habarlaıdy QazAqparat tilshisi.

Shyǵys Qazaqstan oblysynyń tótenshe jaǵdaılar departamentiniń habarlaýynsha, joǵalǵan balany izdeýge Óskemennen arnaıy mamandar da kelipti.

«Oqıǵa ornynda qutqarýshylar men polıtsııa qyzmetkerlerinen, jergilikti ákimdik ókilderi pen erikterlerden quralǵan 200 adam izdeý jumystaryna jumyldyryldy. 2017 jyly týǵan sábı óz úıiniń aýlasynan joǵalǵan bolatyn. Іzdeýshi top shóp basqan aýmaqtar men shuńqyrlardy, aryqtar men jertólelerdi, ıesiz qurylystardy tekserýde. Úı aýlasynan 20 metr qashyqtyqta Qaıyńdy ózeni aǵyp jatyr. Qaýip sýdan keldi me degen de kúdik bar. Óskemennen kelgen arnaıy top ıisshil ıtterdiń kómegine júginbek. Al áýeden dron arqyly izdeý jumystary júrip jatyr», - delingen ShQO tótenshe jaǵdaı departamentiniń aqparatynda.

Shyǵys óńirlik aeroutqyr qutqarý jasaǵynyń mamandary keshe Qaıyńdy ózeniniń arnasyn tekserip, eshqandaı belgi tappaǵan bolatyn. Bala joǵalǵan úıden bes shaqyrym jerde ózen boıyn baqylaýda ustaý úshin mobıldi shtab qurylǵan.

Eske salsaq, 18 tamyz kúni ShQO-nyń Altaı aýdanynda 2 jasar sábı óz úıiniń aýlasynan joǵalyp ketken bolatyn.


Joǵary qaraı