Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Altaıdyń aıýyn noqtalap mingen Torǵaıty áýlıeniń jaılaýy - Sheteldegi qazaq tildi BAQ-qa sholý

2021 jyldyń 8 tamyz 2021 12:30

NUR-SULTAN. QazAqparat- «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

TabıǵatyásemTorǵaıty jaılaýy - «Aǵajaı-Altaı aqparat» saıty

Qytaıdyń Altaı aımaǵyndaǵy tabıǵaty ásem Torǵaıty jaılaýy jaz aılarynda túrlenip, ózgeshe túske enedi, dep jazady kazakh.altxw.com saıty.

«Kórki kóz arbaǵan Torǵaıtynyń shóbi shúıgin, taýy jasyl, móldir sýly, taza aýasy janǵa jaıly meken. Kóz jeter mańda, taýdyń bel jotasyna tuman shógip, tabıǵattyń jarasymdylyǵyn áıgileıdi. Kilemniń túgindeı kógala maısań tósinde qoraly qoı, tabyndy sıyr jaıyla ottap, tynysty tirshilikti ańǵartady. Jolyńyz túsip Torǵaıty jaılaýyna barsańyz, tabıǵattyń sulý sıpatyna eriksiz tańdaı qaǵasyz. Nazarlaryńyzǵa osy kórkem tabıǵat kórinisterinen fotoreportaj usynamyz», - dep jazady «Aǵajaı-Altaı aqparat» saıty.




Eske sala keteıik, Altaı aımaǵyndaǵy ólketanýshylardyń dereginshe, HIX ǵasyrdyń sońy men XX ǵasyrdyń basynda QHR-dyń Altaı óńirinde Torǵaıty atty áýlıe ómir súrgen. Altaıdyń ań men qusymen tildesip, aıýyn minip, qupııa úńgirlerin mekendegen áýlıe týraly el arasyna taraǵan ańyzdar kóp. Bul ańyzdardyń kóbi Torǵaıty áýlıeniń kózin kórgen kóne kóz qarııalardyń aýyzynan jazylyp alynǵanymen qundy. Qazirgi kezde Altaıda áýlıeniń atymen atalǵan «Torǵaıty» jaılaýy jáne ol kisi mekendegen «Torǵaıty úńgiri» bar. Torǵaıtynyń elden ońasha, dıýanalyq ómir keshkeni aıtylady. El qystaýǵa túskende ol jaılaýǵa, el jaılaýǵa kóshkende ol qystaýǵa túsetin bolypty. Altaıda qazirgi kúnge deıin jurt Torǵaıtynyń óńgirine kelip, buta-búrgenge aqtyq baılap, arasanǵa túsip, úńgirge kirip áýlıe rýhyn zııarat etedi eken.



















Qazaqstannan járdemge 2 tikushaq keldi -TRT

Qazaqstan orman órtimen kúresip jatqan Túrkııaǵa 2 dana Mİ-8AMT tıpti tikushaq pen 16 kisilik arnaıy órt sóndirý tobyn jiberdi, dep habarlaıdy Túrkııa Radıo Televızııa portaly.

«Qazaqstan Tótenshe jaǵdaılar mınıstrliginen jasalǵan málimdemede prezıdent Qasym-Jomart Toqaevtyń buıryǵymen mınıstrlikke qarasty eki dana tikushaq pen arnaıy toptyń orman órtimen kúresip jatqan Túrkııanyń Mýgla ýálaıatyna ushqany habarlandy. Málimdemede Qazaqstannyń orman órtinde zaqymdalǵan ormandardyń burynǵy kúıine keltirilýi úshin gýmanıtarlyq járdem berýge daıyn ekeni de atap kórsetildi», - dep jazady TRT.




Ortalyq Azııa halyqtarynyń ulttyq taǵamdarynyń festıvali men gala - kontserti ótti - «ÓzA» aqparattyq agenttigi

Túrikmenstanda ótken Ortalyq Azııa memleket basshylarynyń Konsýltatıvtik kezdesý aıasynda «Avaza» ulttyq týrıstik aımaǵynda Ortalyq Azııa halyqtarynyń ulttyq taǵamdarynyń festıvali men gala-kontserti ótti, dep jazady Ózbekstannyń «ÓzA» memlekettik aqparattyq agenttigi.




«Prezıdentter Qasym-Jomart Toqaev, Sadyr Japarov, Emomalı Rahmon, Gýrbangýly Berdimuhamedov jáne Shavkat Mırzıeev aldymen aımaq elderiniń ulttyq taǵamdary halyqaralyq festıvaliniń qonaǵy boldy. Sodan keıin Ortalyq Azııa elderindegi óner qaıratkerleriniń qatysýynda saltanatty kontserttik baǵdarlamamen jalǵasty. Folklorlyq -etnografııalyq ansambl men estrada ánshileriniń qoıylymdary, zamanaýı sahnalyq bezendirýler, ulttyq án men bı OA halyqtardyń birligi men mádenı jaqyndyǵyn aıqyn kórsetti», - dep jazady «ÓzA» aqparattyq agenttigi.
















Qazaqstanda erte temir dáýirine jatatyn altyn semser tabyldy - TRT

Qazaqstannyń Aqtóbe oblysynyń aýmaǵynan erte temir dáýirine, ıaǵnı b.d.d. VI-V ǵasyrlarǵa jatatyn Sarmat dáýiriniń qorymy tabyldy, dep habarlaıdy Túrkııa Radıo Televızııa portaly.

«Aqtóbe oblys ákimshiliginiń málimdemesine qaraǵanda Muǵaljar aýdany aýmaǵynda Jaǵabulaq qorymynan bir aı buryn tabylǵan biregeı olja – tastan jasalǵan qurban shalynatyn oryn jáne altyn jalatylǵan semser erte temir dáýirine tıesili. Qazba jumystary barysynda sondaı-aq, qola aına, altyn toǵa jáne t.b. ejelgi zattar tabyldy. Arheologııalyq eskertkishti zertteý jumystary áli de jalǵasýda» , - dep jazady TRT.




Ashhabatta Orta Azııa elderi basshylarynyń beıresmı kezdesýi boldy - Fars

Ózbekstan, Qazaqstan, Qyrǵyzstan, Tájikstan men Túrkimenstan basshylary Ashhabatta Orta Azııa elderi basshylarynyń konsýltatıvtiń otyrysyn ótkizý maqsatynda jınalyp, beıresmı kezdesý ótkizdi, dep habarlaıdy Irannyń Parstoday aqparat agenttigi.

«Qazaqstan prezıdentiniń baspasóz hatshysy Berik Ýálı Kaspıı teńiziniń jaǵalaýynda Orta Azııanyń 5 eli basshylarynyń beıresmı kezdeskenin habarlady. Onyń aıtýynsha, Orta Azııa elderiniń basshylary Qasym-Jomart Toqaev, Qurbanquly Berdimuhamedov, Emomalı Rahmon, Shavkat Mırzıeev pen Sadyr Japarov Kaspıı teńiziniń jaǵalaýynda beıresmı kezdesti. Sonymen birge Orta Azııa elderiniń basshylary Túrkimenbashy qalasyna jaqyn jerdegi «Avaza» ulttyq týrıstik aımaǵyn aralady» , - dep jazady Parstoday agenttigi.





Avtor Baqytjol Kákesh
Basty sózder: Qandastar, BAQ,
Joǵary qaraı