Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

«Altyn qalam» syılyǵynyń ıegerleri belgili boldy

2020 jyldyń 27 qazan 2020 18:06

ALMATY. QazAqparat - Almatydaǵy QR Ulttyq kitaphanasynda «Altyn qalam 2020» ádebı júldesiniń qorytyndysy jarııalanyp, jeńimpazdardyń esimderi tanystyryldy, dep habarlaıdy QazAqparat.

Qazaqstan baspasóz klýbynyń málimetinshe, bıyl bul shara Baýyrjan Ospanov jetekshilik etetin «ZHERSU» korporatsııasynyń qoldaýymen uıymdastyrylǵan.

«Altyn qalam 2020» baıqaýyna Qazaqstan, Reseı, Ýkraına, AQSh, Izraıl, Belorýs elderinen, sonymen qatar bıyl tuńǵysh ret Mońǵolııa jáne Ortalyq Afrıka respýblıkasynan barlyǵy 408 avtor qatysty.

Ortalyq Afrıka Respýblıkasyna qonys aýdarǵan qalamger elimizden jyraqta júrse de, tanymal ádebı júldede kóppen birge baq synaýǵa bel býǵan.

Naýryzdyń 15-nen qyrkúıektiń 15-ne deıin qabyldanǵan 600-ge jýyq shyǵarma baıqaýdyń akalam.kz resmı saıtynda jarııalanyp, oqyrmandardyń jáne qazylardyń saraptaýynan ótti.

«Altyn qalam» ádebı júldesiniń jeńimpazdaryn marapattaý sharasy bıyl alǵash ret jabyq esik formatynda uıymdastyrylyp, saltanatty jıynǵa tek jeńimpazdar men joba seriktesteri jáne BAQ ókilderi shaqyryldy. 19 qazanda jarııalanǵan baıqaýdyń qysqa tizimine ár janr boıynsha jeti shyǵarmadan engizilgen edi. Qazylar sheshimimen solardyń ishindegi eń úzdik bir shyǵarma ǵana marapattaldy.

«Qazaq ádebıetine qosqan eleýli eńbegi úshin» Tólen Ábdik marapattaldy.

Baýyrjan Ospanov taǵaıyndaǵan Esenqul Mamanov atyndaǵy bas júlde – 1 mln teńgeni almatylyq Zaman Tóleýov jeńip aldy. Jazýshynyń «Qaraqýys» romany «Úzdik qazaq romany» atalymy boıynsha úzdik dep tanyldy.

Taǵy bir basty syılyq – 1 000 000 teńgeni balalar shyǵarmashylyǵyna arnalǵan «Daraboz» baıqaýynda ózgeden oza shapqan pavlodarlyq qalamger Alpysbaı Honj ıelendi.

«Pandemııa saldarynan elimizdegi jáne álemdegi jaǵdaı kóz aldymyzda áp-sátte ózgerip shyǵa keldi. Qaýipti indetke baılanysty týyndaǵan kúrdeli jaǵdaıǵa qaramastan «Altyn qalam» júldesi jalǵasyn tapqanyna qýanyshtymyn. Bıylǵy báıgede baq synaǵandar qatary byltyrǵydan ósken jáne olardyń arasynda tanymal avtorlar, qalalyq, oblystyq, respýblıkalyq jáne halyqaralyq baıqaýlardan júlde alǵan kásibı deńgeıi joǵary qalamgerler kóp boldy. Bir atap óterligi, bıyl akalam.kz saıtyna kirip, baıqaýǵa usynylǵan shyǵarmalarmen tanysyp, pikir bildirgender qarasy qalyń. Sońǵy tórt kúnde 1 mln-nan asa adam konkýrstyń resmı saıtyn ashyp oqyǵan», - deıdi «Altyn qalam» ádebı júldesi uıymdastyrý komıtetiniń dırektory Kenje Jumanuly.

Aıta keteıik, «Altyn qalam» ádebı júldesi 2009 jyldan beri ótkizilip keledi. Baıqaýdyń ereksheligi sol - joba uıymdastyrýshylarynyń ádebıetke qatysy joq, tek kitap oqyǵandy unatatyn oqyrmandar. Alǵashqy kezeńde shyǵarmalar akalam.kz veb-saıtynda irikteldi. Onlaın-daýys berý 6 aı boıy jalǵasty.

Jeńimpazdar tizimi:

JYLDYŃ ÚZDІK POEZIıASY

«Sen ǵana». Makınara Haırım, Nur-Sultan.

JYLDYŃ ÚZDІK PROZASY

«Ólim gúli nemese qytaı túrmesinen qashqan qazaq qyzynyń kúndeligi». Ertaı Aıǵalıuly, Almaty

JYLDYŃ ÚZDІK SATIRASY

«Túpán talyp qaldy» - Alpysbaı Honj, Pavlodar.

JYLDYŃ ÚZDІK KINOSTsENARIIІ JÁNE DRAMATÝRGIıASY

«Ákim kele jatyr». Qýndyq Túmenbaı, Almaty

JYLDYŃ ÚZDІK FANTASTIKASY JÁNE DETEKTIV ShYǴARMASY

«Ómirzaıa. Qaıtpas oqıǵasy». Saılaý Tóleýov, Semeı

«DARABOZ» BALALARǴA ARNALǴAN ÚZDІK ShYǴARMA

«Telqasqa». Alpysbaı Honj, Pavlodar.

«ÚZDІK QAZAQ ROMANY»

«Qaraqýys» romany. Zaman Tóleýov, Almaty

LÝChShAıA POEZIıA GODA

«Net lıýbvı». Seıtjan Janar, Astana.

LÝChShAıA PROZA GODA

«Ýkradennyı podvıg». Smagýlova Zaını, Akmolınskaıa oblast.

LÝChShAıA DETSKAıA I PODROSTKOVAıA LITERATÝRA GODA «DARABOZ»

«Karantınnye chelovechkı». Ksenııa Zemskova ı Elena Klepıkova, Almaty.

4. LÝChShAıA SATIRA GODA NA PRIZ IMENI ESENJOLA DOMBAI

«Trıllerotopııa». Aqıqat Ras, Almaty

5. LÝChShAıA FANTASTIKA I DETEKTIV GODA

«Svet». Lıýlchak Svetlana, Almaty.

6. LÝChShII KINOSTsENARII I DRAMATÝRGIıA GODA

«V shage ot samogo sebıa». Sarsembaev Mansýr, Astana.

Basty sózder: Mádenıet, Almaty, Ádebıet,
Joǵary qaraı