Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Altyn óndiretin kompanııadan 4 tonnadaı metall urlaǵan qyzmetkerler ustaldy

2022 jyldyń 13 mamyr 2022 01:52

TARAZ. QazAqparat – Jambyl oblysynda altyn óndiretin kompanııadan 4 tonnadaı mys urlanǵan,- dep habarlaıdy QazAqparat tilshisi.

Іri kólemdegi metalldyń urlanǵandyǵy týraly osy kásiporyn basshylyǵynyń polıtsııaǵa jazǵan shaǵymynan belgili bolǵan.

Jábirlenýshi tarap belgisiz jaǵdaılarda kompanııanyń ortalyq qoımasynan jalpy kólemi 11 mıllıon teńgeden asatyn metaldy jasyryn urlap ketkeni týraly habarlaǵan.

Atalǵan derekke qatysty Qylmystyq kodekstiń 188-baby 4-bóligi boıynsha sotqa deıingi tergeý amaldary bastaldy.

«Jedel-izdestirý is-sharalaryn júrgizý kezinde Moıynqum aýdanynyń polıtsııa qyzmetkerleri osy kásiporynnyń 32 jáne 30 jastaǵy eki qyzmetkerin anyqtap, ustady. Ustalǵandar kinálaryn tolyq moıyndady», - delingen polıtsııa departamenti baspasóz qyzmetiniń habarlamasynda.

Tergeý barysynda kúdiktiler aldyn-ala sóz baılasý arqyly qoımadan alyp shyqqan mysty birden metall synyqtaryn qabyldaý ornyna tasyp aparý arqyly úsh ret urlyq jasaǵandary anyqtaldy.

Qabyldaý orny urlanǵan metaldyń bir kelisin 3000 teńgeden alǵan, jalpy quny 9 000 000 teńgeden asqan. Kúdiktiler aqshany jeke qajettilikterine jumsaǵandaryn aıtqan.

Aıta keteıik, vedomstvonyń málimetinshe, atalǵan qylmysty jasaǵany úshin múlki tárkilenip, bes jyldan on jylǵa deıingi merzimge bas bostandyǵynan aıyrý túrindegi jaza kózdelgen.


Joǵary qaraı