Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Altyn sapa» konkýrsyna qatysý talaptary ózgeredi

2021 jyldyń 7 jeltoqsan 2021 12:15

NUR-SULTAN. QazAqparat – QR Prezıdenti Qasym-Jomart Toqaev «Altyn sapa» konkýrsynyń talaptaryn Eýropalyq sapany basqarý qorynyń modeline sáıkestendirýdi usyndy, dep habarlaıdy QazAqparat tilshisi.

«Úshinshi. Memleket pen bıznestiń mindeti – elde óndiriletin taýarlardyń básekege qabilettiligin birlesip arttyrý, zamanaýı sapa júıesin engizý. Kásiporyndardaǵy bıznes-protsesterdiń dıagnostıkasy osy saladaǵy jahandyq úrdisterge sáıkes kelýi kerek. Áńgime, eń aldymen, Indýstrııa 4.0 elementterin tsıfrlandyrý jáne paıdalaný týraly bolyp otyr. Osyǵan baılanysty «Altyn sapa» konkýrsynyń talaptaryn kezeń-kezeńimen Eýropalyq sapany basqarý qorynyń jańa modeline sáıkes keltirý qajet. Biz úzdik halyqaralyq úlgiler men tájirıbelerge saı bolýymyz kerek», - dedi Memleket basshysy «Altyn sapa» syılyǵy jeńimpazdaryn quttyqtaý sózinde.

Sondaı-aq, Memleket basshysy shaǵyn bıznesti tekserýge qoıylǵan moratorıı nátıjesinde eki jyl ishinde tekserýler sany tórt ese qysqarǵanyn atap ótti.

«Qazaqstanda ekinshi jyl qatarynan shaǵyn bıznesti tekserýge moratorıı qoldanylyp keledi. Nátıjesinde tekserý sany tórt ese qysqardy. Ózekti emes jáne artyq retteýshilik talaptardy qysqarta otyryp, bıznesti aqyldy retteýdi engizýge múmkindik beretin zańnamalyq baza ázirlendi. Tıisti zań jyl sońyna deıin qabyldanady», -dedi Qasym-Jomart Toqaev.


Joǵary qaraı