Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Amazon» ınternet dúkenine 746 mln eýro aıyppul salyndy

2021 jyldyń 1 tamyz 2021 12:29

NUR-SULTAN. QazAqparat – «Amazon»-ǵa 746 mln eýro aıyppul salyndy. Eýropalyq qupııalylyqty baqylaý qyzmeti alpaýyt ınternet dúkende jeke derekterdi óńdeý EO-nyń Derekterdi qorǵaýdyń jalpy erejelerine sáıkes kelmeıtinin anyqtady, dep habarlady QazAqparat Euronews-ke silteme jasap.

Aıyppuldy eki apta buryn «Amazon»-nyń eýropalyq shtab-páteri ornalasqan Lıýksembýrg ulttyq derekterdi qorǵaý komıssııasy salǵan. Kompanııa aıyptaýdy joqqa shyǵarady jáne shaǵymdanatynyn málimdedi.

Aıta keteıik, Eýropadaǵy derekterdi qorǵaýdy qadaǵalaý organdary kompanııaǵa olardyń jyldyq jahandyq satylymynyń 4%-yna deıin aıyppul salýǵa quqyly.

Eske sala keteıik, ótken jyldyń jeltoqsan aıynda frantsýz ınformatıka jáne azamattyq bostandyqtar komıssııasy «Amazon»-ǵa paıdalanýshylardyń jeke aqparaty qamtylǵan cookie faıldaryn olardyń kelisiminsiz paıdalanǵany úshin aıyppul salǵan edi. Kompanııaǵa 35 mıllıon eýro aıyppul salynǵan bolatyn.


Basty sózder: Zań, Aqparattyq tehnologııalar, Álem,
Joǵary qaraı