Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Amerıka koronavırýstan qaza bolǵandardy 5 kún aza tutady

2021 jyldyń 23 aqpan 2021 09:04

VAShINGTON. QazAqparat – AQSh-tyń federaldy jáne áskerı nysandarynda memlekettik tý tómen túsiriletin bolady. Koronavırýstan qaıtys bolǵandarǵa qurmet bildirý maqsatyn tutqan shara 5 kúnge jalǵasady. Mundaı tapsyrmany el Prezıdenti Djo Baıden berdi, dep habarlaıdy QazAqparat «Amerıka daýysy» agenttigine silteme jasap.

22 aqpan kúni keshke Djo Baıden koronavırýs indetinen kóz jumǵan Amerıkanyń 500 myń halqyn 1 mınýt únsizdikpen eske alyp, otandastaryn áldebir túsinispeýshilikterdi keıinge qaldyryp, pandemııamen birlesip kúresýge shaqyrdy.

«Búgin bizde óte qaraly, janǵa batarlyq kezeń – 500 071 adam qaıtys boldy. Pandemııanyń bir jylynda ajal qushqan amerıkalyqtar sany Birinshi dúnıejúzilik soǵysty, Ekinshi dúnıejúzilik soǵysty jáne Vetnam soǵysyn qosa alǵandaǵy sanǵa qaraǵanda – kóp», - dedi ol.

Prezıdent sóz sóılegennen keıin vıtse-prezıdent Kamala Harıs, birinshi hanym Djıll Baıden jáne ekinshi djentlmen Dag Emhoff Aqúıde bir mınýt únsizdikte boldy.

Aqúıdiń baspasóz hatshysy Djen Psakıdiń málimetinshe, AQSh basshysy aldaǵy 5 kúnde federaldy jáne áskerı nysandarda memlekettik tý túsirilgen kúıi turýyn tapsyrdy.

Djo Baıden amerıkalyqtardy pandemııamen kúreste qyraǵy bolýǵa, maska taǵýǵa, áleýmettik qashyqtyqty saqtaýǵa jáne óziniń kezegi jetkende vaktsına saldyrýǵa úndedi.

Aıta keteıik, álemde koronavırýstan bolǵan ólim-jitim sanynyń 19 paıyzǵa jýyǵy Amerıka qurama Shtattaryna tıesili.


Perevod Mıra Tólendiqyzy
Basty sózder: Álem, Koronavırýs, Amerıka,
Joǵary qaraı