Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Amerıkalyq otbasy asyrap alǵan qazaqstandyq jigit týystaryn izdestirýde

2021 jyldyń 26 qarasha 2021 16:20

KÓKShETAÝ. QazAqparat - Amerıkalyq otbasy asyrap alǵan qazaqstandyq jigit óziniń týystaryn izdeýde, dep habarlaıdy QazAqparat tilshisi.

«Meniń aǵam da, men sııaqty asyrap alyndy. Ol 2005 jyly asyrap alyndy. Onyń týǵan kezdegi aty - Andreı Shatalın. Ol shamamen 13-19 qazanda dúnıege kelgen. Ár qujattaǵy kún ár túrli. Bizde onyń bıologııalyq anasy Natalıa Alekseevna Shatalına týraly aqparat bar. Ol shamamen 1973 jyly dúnıege kelgen jáne keıbireýlerdiń aıtýynsha, 2012 jyly qaıtys bolǵan. Qujattarda onyń Andreıge deıin taǵy bir balasy bolǵandyǵy aıtylǵan, sondyqtan biz olar týraly jáne basqa da baýyrlar men ápkeler týraly bilýge tyrysamyz», - dedi QazAqparat tilshisine Andreıdiń qaryndasy Elızabet Azız.

Qyzdyń aıtýynsha, onyń aǵasy Qazaqstan astanasynda dúnıege kelgen, sodan keıin ony Manas kóshesindegi aýrýhanada qaldyrǵan. Keıin ony elordadaǵy mamandandyrylǵan balalar úıine tapsyrady.

«Onyń anasy Aqmola oblysynyń Stepnogor qalasynda týǵan. Týý týraly kýálikte týǵan ákesiniń aty joq. Sondaı-aq, biz Andreıdiń bıologııalyq anasynyń otbasy músheleri týraly aqparat tabýǵa tyrysamyz. Keıbir málimetter boıynsha, Andreı - jartylaı orys, jartylaı qazaq», - dedi Elızabet Azız.

Qazir Andreı Shatalın 19 jasta. Biz olardyń AQSh-ta qalaı turatynyn suradyq.

«Iá, bizde bári jaqsy. Bul jerde biz jaqsy ómir súremiz jáne ata-anamyz jaqsy», - dep qosty Elızabet.

Sondaı-aq, qyz ógeı aǵasynyń bıologııalyq anasynyń meken-jaıyn tapqanyn habarlady.

«Múmkin, aǵamnyń týystary nemese aǵasy/ápkeleri sol jerde turady. Mine, turǵylyqty jeri boıynsha tirkeý: Aqmola oblysy, Stepnogor qalasy, 9-shaǵyn aýdan, 38-úı, 1-páter. Naqty turǵylyqty jeri: Stepnogor qalasy, 6 shaǵyn aýdan, 40 úı, 64 páter«, - dep jazdy ol.

Eske sala ketsek, budan buryn Amerıkalyq otbasy asyrap alǵan jigittiń Qazaqstanda qalǵan áke-sheshesin izdep jatqandyǵy habarlanǵan edi.



Avtor Aslan Ospanov
Basty sózder: Aqmola oblysy, Qoǵam, AQSh,
Joǵary qaraı