Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Among Us oıynynan sýıtsıdke ıtermeleıtin zańsyz kontent tabylǵan joq

2020 jyldyń 26 qarasha 2020 12:44

NUR-SULTAN. QazAqparat - Among Us oıynynan zańsyz kontent tabylǵan joq, dep habarlaıdy QazAqparat Stopfake resýrsyna silteme jasap.

Qazirgi ýaqytta WhatsApp jáne Telegram messendjerlerinde qazaqstandyq paıdalanýshylar PC, Android jáne iOS mobıldi platformalarynda qoljetimdi Among Us tanymal kompıýterlik oıynynyń qaýipti ekendigi týraly dybystyq habarlamalar taratýda.

Dybystyq habarlama avtory ata-analardan balasynyń telefonynda osy oıynnyń bar-joǵyn tekserýdi suraıdy. Olar oıynda «qorqynyshty tapsyrmalar beriledi» jáne «óz-ózine qol salýǵa ákeledi» dep málimdeıdi.

Buǵan dálel retinde «34 mektepte oryn alǵan oqıǵany» keltiredi. Dál osy Among Us oıynnyń saldarynan oqýshy qyz asylyp qalǵan. «Oǵan tapsyrma berilgen».

Osyndaı dybystyq habarlama mazmunyna qaraı avtoryn anyqtaý múmkin emes. «Jazataıym oqıǵa» qaı qalada jáne qaı elde bolǵany da belgisiz.

Naqtyraq aıtqanda, biz bul dybystyq habarlamany reseılik oıynshylardyń biriniń YouTube arnasynan taptyq. Soǵan qaraǵanda qarashanyń sońynda Reseıde jazylyp, taratyla bastaǵan deýge bolady. Demek, habarlamada aıtylǵan qaıǵyly oqıǵanyń (eger ol oryn alǵan bolsa) Qazaqstanǵa eshqandaı qatysy joq.

Degenmen, bul dybystyq habarlamalar QR BǴM Balalardyń quqyqtaryn qorǵaý komıtetine resmı saýal joldaýymyzǵa túrtki boldy. QR Aqparat jáne qoǵamdyq damý mınıstrligi.
AQDM óz kezeginde, osy saýaldyń sheńberinde «Among Us» oıynynda zańsyz kontenttiń bar-joǵyn anyqtaý maqsatynda monıtorıng júrgizdi.

«Oıyn telefonǵa Playmarket jáne Appstore arqyly júkteledi. Oıyn barysynda habarlamalardy aǵymdaǵy oıynnyń chatyna jiberý arqyly nemese dybystyq habarlamalar almasýǵa múmkindik beretin discord qosymshasyn telefonǵa júkteý arqyly sóılesýge bolady. Paıdalanýshylar arasyndaǵy barlyq hat-habarlar oıynnyń ózinde júrgiziledi, ony basqa qatysýshylar kóre almaıdy. Bul rette oıynǵa qatysýshylar arasyndaǵy áńgimeniń ne jaıly ekendigin anyqtaý múmkin emes. Osyǵan baılanysty mınıstrlik qandaı da bir zańsyz kontenttiń, onyń ishinde oıynǵa qatysýshylardy sýıtsıdke ıtermeleý belgileriniń bolýy týraly qorytyndy jasaı almaıdy. Bul rette Mınıstrlik Qazaqstan Respýblıkasynyń zańnamasyna sáıkes, árbir ata-ana óz balasy úshin jeke jaýapty ekenin jáne óz balasynyń aqparattyq keńistikte ne istep jatqanyn, kimmen hat almasatynyn jáne qaı taqyrypta jazatynyn ózi tekserýi tıis ekenin atap ótti» delingen Aqparat jáne qoǵamdyq damý mınıstrliginiń resmı habarlamasynda.

Among Us oıynyna keletin bolsaq, ol 2018 jyldyń maýsym aıynda shyqqan. InnerSloth stýdııasy ázirlegen oıyn eki jyl boıy qarapaıym oıyndar qatarynda bolǵan. Biraq bıyl kúzde oǵan Twitch-te 2,8 mıllıon jazylýshysy bar áıgili strımmer Sodapoppin nazar aýdardy. Osydan keıin Among Us búkil álemge tanymal boldy. Qyrkúıek aıynda ol Steam satý kestesinde birinshi orynǵa shyqty.

Among Us – komandalyq oıyn, oǵan bir ýaqytta 4-10 adam qatysady. Ol saýyq keshterinde nemese dostar arasynda jıi oınalatyn bárine belgili «Mafııaǵa» uqsaıdy. Biraq Among Us-ta is-áreket ǵarysh kemesinde bolady. Oıynshylar birigip, keme júıesin isten shyǵarǵysy keletin «satqyndy» anyqtaýy tıis nemese keıipkerderdiń birin óltirýi kerek. Oıyn keıipkerleri – kishkentaı túrli-tústi adamdar. Oıyndy ázirleýshilerdiń aıtýynsha, oıynnyń maǵynasy -«áleýmettik dedýktsııa».

New York Times gazeti óz maqalasynda oıynnyń tanymaldylyǵynyń artýyn talqylaı kele, buǵan pandemııa kezinde májbúrli oqshaýlaý sebep boldy dep jazady.

Oıynshylar arasynda kóp kezdesetin, jasóspirimder túrli forýmdarda, toptyq chattarda habar almasady jáne tanymal geımerlerdiń YouTube arnalarynda óz pikirlerin qaldyrady. Internette osy oıynǵa qatysty memder óte kóp.

Biz qandaı da bolmasyn memlekette Among Us oıyny saldarynan jazataıym oqıǵalardyń nemese basqa da ıntsıdentterdiń bolǵany týraly rastalǵan aqparatty taba almadyq.


Joǵary qaraı