Aýa raıy
Astana 5 °S
Almaty 7 °S
valıýta baǵamy
USD 388.96
EUR 432.21
RUB 6.09
CNY 54.99

Anasyn izdegen 8 jasar bala Almaty ınternatynan qashyp ketti

2019 jyldyń 17 qyrkúıek 2019 10:24

ALMATY. QazAqparat – Almatyda mamandandyrylǵan ınternattan ózdigimen ketip qalǵan 8 jastaǵy balany polıtsııa taýyp, ata-anasyna qaıtardy, dep habarlaıdy QazAqparat tilshisi.

16 qyrkúıek kúni, keshki saǵat 9 shamasynda Ákimshilik polıtsııa basqarmasynyń arnaıy batalonynyń qyzmetkerleri Nurjan Baımyrzaev pen Eldos Aınaqulov trotýarda jylap turǵan balany kórip, óz baqylaýlaryna alǵan.

«Ol qatty jylap turdy. Eshteńe túsindire almady. Balanyń tili kemis ekenin sodan uqtyq. Aldymen, balany qushaqtap, baýyrymyzǵa bastyq. Sý, tátti alyp berdik. Azdap entigin basqan soń surastyra bastadyq. Bala ınternattan ózi shyǵyp ketken. Anasyn izdep, uzaq júrgen. Anasynyń «Jas qanat» shaǵynaýdanynda turatynyn aıtty. «102» kezekshi nómirine habarlasqanda, ony eshkim izdemegeni týraly bildik. Biz sol aýdanǵa barýdy uıǵardyq. Bala aqyldy eken, birden ózi turatyn úıdi taýyp bardy. Esiktiń qońyraýyn basqanda anasy qatty qýandy», - dedi aǵa leıtenant Eldos Aınaqulov.




8 jasar Nurasyl Altynbekuly Túrksib aýdanynyń turǵyny bolyp shyqty. Anasynyń aıtýynsha, tiliniń múkistigine baılanysty bala ınternatta oqıdy. Tek demalysta ǵana ata-anasy úıine alyp ketedi.

«Keshe keshke «Nurasyl úıge kelmedi me?», - dep ınternattan habarlasty. Ol kishkentaı, úıdi taba almaıdy dep qorqyp otyrǵanda birneshe mınýttan soń esikti polıtsııa basyp tur. Balamdy alyp kelipti. Dalada turǵan balany kórip, taýyp ákelgenderine sheksiz alǵysymdy aıtamyn», - dedi anasy Aqmaral Smaılova.





Avtor Gúlmıra Ǵosmanálı
Basty sózder: Almaty, Oqıǵa, Qoǵam, Aımaq,
Joǵary qaraı