Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Andreı Lýkın AÓK-ti sýbsıdııalaý erejesin qaıta qaraýdy usyndy

2021 jyldyń 22 sáýir 2021 13:16

NUR-SULTAN. QazAqparat – Senattyń jalpy otyrysynda depýtat Andreı Lýkın AÓK-ti sýbsıdııalaý erejesin qaıta qaraýdy usyndy, dep habarlaıdy QazAqparat tilshisi.

Onyń aıtýynsha, agrarlyq salaǵa bólinetin sýbsıdııalar tıimsiz jáne maqsatsyz jumsalýda. Jalǵan kelisimsharttar jasalyp, shyndyqqa janaspaıtyn aqparattardyń beriletini de jasyryn emes. Sonyń saldarynan qarajat jelge ushyp jatyr. Senator Andreı Lýkın jaǵdaıdy jaqsartý úshin qazirgi erejelerdi qaıta qaraýdy usyndy. Ol óz usynystaryn Premer-Mınıstrdiń orynbasary Roman Sklıardiń atyna joldaǵan depýtattyq saýalynda baıandady.

Senatordyń sózine qaraǵanda, sońǵy 5 jylda jeńildikpen beriletin nesıe men sýbsıdııaǵa 2,9 trln teńge bólingen. Alaıda, sýbsıdııany berý mehanızmi jabyq kúıde qalyp otyr jáne erejeleri de jetildirýdi qajet etedi. Dál osy sebepten bul salada sybaılas jemqorlyq faktileri jıi tirkelýde.

«2018 - 2020 jyldar ishinde memlekettik baǵdarlamany iske asyrýǵa qatysty 144 qylmystyq is tergelgen eken. Onyń ishinde sybaılas jemqorlyq qylmystary boıynsha 57 is qozǵalǵan. Al sýbsıdııany jymqyrý boıynsha 87 sotqa deıingi tergeý júrgizilgen. Saldarynan memleketke 2,1 mıllıard teńgeden astam shyǵyn keltirildi», – dedi Andreı Lýkın.

Sonymen qatar Senat depýtaty usynylǵan aqparattar men derekterdiń durystyǵyna tek aýyl sharýashylyǵy óndirýshileri jaýapty ekenine nazar aýdardy. Al jaýapty laýazymdy tulǵalar sharýalardyń ótinimderin qysqa merzimde qarap, derekterdiń tolyq ekenine ǵana kóńil bóledi.

«Osyǵan oraı agroónerkásiptik keshendi sýbsıdııalaý erejelerin qaıta qaraǵan jón dep esepteımin. Sol arqyly aýyl sharýashylyǵy óndirýshileriniń ótinimderin tekserý boıynsha jergilikti atqarýshy organdardyń jáne sýbsıdııa tólemderin júrgizetin jaýapty laýazymdy tulǵalardyń mindetterin qarastyrý qajet», – dedi Andreı Lýkın.


Joǵary qaraı