Anglııadaǵy sý tasqyny: Eki myńnan astam úıdiń turǵyndary evakýatsııalandy
NUR-SULTAN. QazAqparat – «Krıstof» daýylynan týyndaǵan Anglııa men Ýelstegi sý tasqyny saldarynan eki júz myńnan astam úıdiń turǵyndary evakýatsııalandy, dep habarlaıdy QazAqparat VVS-ge silteme jasap.
«Bul – buryn-sońdy bolmaǵan jaǵdaı. Men mundaıdy ómirimde kórgen joqpyn», - dedi Manchester qalasy mańynyń turǵyny Terrı Sheldon.
Terrıdiń úıi Mersı ózeninen birneshe metr qashyqtyqta ornalasqan. Sársenbi kúni keshke Krıstof daýylynyń saldarynan ózen arnasynan asqan.
Anglııa men Ýelste 200-den astam sý tasqyny týraly eskertýler jasaldy, olardyń beseýi qaýipti, sonymen qatar jańbyr men qar týraly da habarlamalar bar.
