Aýa raıy
Astana -23 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Ánshi Qýandyq Rahymnyń qaıynjurty da aıyppul tóleıtin boldy

2020 jyldyń 21 qazan 2020 00:39

TÚRKІSTAN. QazAqparat - Túrkistan oblysynda karantın talaptaryna baılanysty kúndelikti reıd uıymdastyrylyp, erejeni eskermegenderge jappaı aıyppul salynyp jatyr. Óńirdegi toıhana, meıramhana, dámhanalarda tyǵylyp túrli otbasylyq jıyndar ótkizip jatqany anyqtaldy, dep habarlaıdy QazAqparat tilshisi.

Aıyppuldy estrada juldyzy Qýandyq Rahymnyń qaıynjurty da tóleıtin boldy. Otyrar aýdanynyń Sháýildir aýylynda qyz uzatý toıy ótip, oǵan ánshiniń jarynyń týǵan-týystary men aýyldastary jınalǵan.

«Atalǵan aýdanda qurylǵan mobıldik top osy jaıtqa qatysty turǵynǵa QR ÁQBtK-niń 425-baby «Halyqtyń sanıtarlyq epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha hattama toltyrǵan. Toı jasaýshy turǵynǵa 83 340 teńge kóleminde aıyppul salyndy», delingen habarlamada.

Oblystyq PD baspasóz qyzmetiniń málimetinshe, Shymkent-Jetisaı tas jolynyń boıynda ornalasqan meıramhana ıesi toıhanada «besik toı» rásimin ótkizgen. Saryaǵash aýdanynyń taǵy bir turǵyny dámhanany jalǵa alyp, quda kútken. Sondaı-aq mobıldi top Qurkeles aýyldyq okrýginde ornalasqan toıhananyń bireýi jumys istep jatqanyn anyqtady. Aýdan ortalyǵyndaǵy meıramhanalardyń birinde 2 tusaý keser ótkizilgen.

Eske sala ketsek, Jezqazǵandaǵy meıramhanaǵa juldyzdardy shaqyryp, úılený toıyn jasaǵan Qýandyq Rahym aıyppul tóleıdi. Merekege 70-ten astam adam jınalǵan. Olardyń arasynda Tóreǵalı Tóreáli, Dıdar Qamıev, Nurbolat Abdýllın jáne basqalary bolǵan.


Avtor Aınur Aqbaeva
Basty sózder: Túrkistan oblysy, QR ІІM,
Joǵary qaraı