Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Antıkor: Aýyl sharýashylyǵyndaǵy jemqorlyqtyń deni - sýbsıdııany jymqyrý

2021 jyldyń 9 jeltoqsan 2021 14:01

NUR-SULTAN. QazAqparat - QR Sybaılas jemqorlyqqa qarsy is-qımyl agenttiginiń tóraǵasy Marat Ahmetjanov aýyl sharýashylyǵy salasyn sýbsıdııalaý boıynsha júrgizilgen taldaýdyń qorytyndysyn bólisti, dep habarlaıdy QazAqparat tilshisi.

«Sońǵy 5 jyl ishinde elimizde aýyl sharýashylyǵyn sýbsıdııalaýǵa 2 trln teńge bólingen. Osy jyldar ishinde sheneýnikterge qatysty sybaılas jemqorlyqqa qatysty birneshe qylmystyq is qozǵaldy. Jalpy aýyl sharýashylyǵy salasy boıynsha 960 qylmys tirkelgen bolsa, onyń jartysynan astamy (54%) bólingen sýbsıdııany jymqyrýmen baılanysty. Júrgizilgen taldaý bıýdjet qarajatyn jónsiz paıdalanýdyń óreskel faktilerin, kóptegen sybaılas jemqorlyq kestesi men sýbsıdııalardy urlaý tásilderin ashty», - dedi M. Ahmetjanov OKQ-de ótken baspasóz máslıhatynda.

Onyń aıtýynsha, búginde aýyl sharýashylyǵyna qatysty 62 qylmystyq is sotta qaralyp jatyr. Jáne jemqorlyq jasaý kúdigine orta býynda sheneýnikter men kásipkerler ilinip otyr.

«Osy oraı biz aýyl sharýashylyǵy mınıstrligine sýbsıdııa salasyndaǵy sybaılas jemqorlyq táýekelderin joıýǵa baǵyttalǵan 170 usynym jiberdik. Aýyl sharýashylyǵy salasyna jasalǵan taldaýdyń maqsaty - sybaılas jemqorlyqtyń aldyn alý jáne adamdardyń paraqorlyq qadamǵa barýyn azaıtý», - deıdi ol.

Aıta ketsek, buǵan deıin Antıkor basshysy sybaılas jemqorlyq jıi bolatyn salalardy ataǵan edi.

Agenttik tóraǵasynyń aıtýynsha tizimin basynda aýyl sharýashylyǵy tur.

Odan bólek, M. Ahmetjanov qazaqstandyq sheneýnikterdiń jemqorlyqqa qanshalyqty jaqyn ekeni tekseriletinin aıtty.


Joǵary qaraı