Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ánýarbek Baıjanbaev atyndaǵy halyqaralyq dıktorlar baıqaýynyń jeńimpazy anyqtaldy

2021 jyldyń 28 qyrkúıek 2021 15:28

NUR-SULTAN. QazAqparat – Aqpan aıynan beri jalǵasqan qazaq radıosynyń júz jyldyǵyna oraı uıymdastyrylǵan «Ánýarbek Baıjanbaev atyndaǵy halyqaralyq dıktorlar» baıqaýy búgin máresine jetti, dep habarlaıdy QazAqparat tilshisi.

28 qyrkúıekte qorytyndylanǵan baıqaýǵa 150-den astam ótinish (aýdıojazba) kelip tústi. Sonyń 80-ge jýyǵy efırge berilgen.

Uıymdastyrýshylardyń aıtýynsha, baıqaý prozalyq shyǵarma, poezııa, aqparattyq mátin oqý nomınatsııalary boıynsha ótti.

Atalǵan báıgede dıktor Serik Ábiluly bas júldeni jeńip aldy. Atalmysh sharada júldege tek bir ǵana oryn belgilengen.

Bul týraly Qazaq radıosynyń «Qaıyrly tań» habarynda «Kórkem sóz sheberi» habarynyń júrgizýshisi Qymbat Dosjan jarııalaǵan bolatyn.

«Búgin Qazaq radıosynyń «Qaıyrly tań» habarynda tikeleı efırde jeńimpazdyń aýdıo jazbasyn berip, oqýshynyń atyn atadym. Sodan keıin Serik Ábilmen telefon arqyly sóılestim. L.N.Gýmılev atyndaǵy Eýrazııa ulttyq ýnıversıtetinde 30 qyrkúıek kúni ashylatyn Qazaq radıosynyń aýdıtorııasynda jeńimpazdy shaqyryp, marapattaımyz»,-deıdi belgili telejýrnalıst Qymbat Dosjan.

Ádilqazy komıssııasynyń negizgi músheleri - Amanjan Serikov, Saýyq Jaqanova, Kúlásh Moldahmetova, Muhamedáli Bolatuly jáne Qymbat Dosjan.

Aıta keteıik, Serik Ábiluly - Qytaıdaǵy qazaq radıosynda uzaq jyldar qyzmet etip, sol eldegi qandastardyń mádenıetine eleýli úles qosqan tulǵanyń biri.

Ol qazaqtyń tańdaýly 50 ánin qytaı tiline aýdartyp, ultymyzdyń keń taraǵan 500 kúıi men 200 halyq ánin taspaǵa túsirgen.

Onnan astam kitaptyń, 100-ge jýyq án mátini men kóptegen ánniń avtory, radıo efırinde 30-ǵa tarta roman oqyǵan tanymal dıktor, aqyn, ánshi, sazger.


Avtor Beısen Sultan
Basty sózder: Qandastar, Qoǵam, BAQ,
Joǵary qaraı