Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AÓІSShK elderine QazVac-pen kómektesýge daıynbyz - Aqan Rahmetýllın

2021 jyldyń 12 qazan 2021 13:04

NUR-SULTAN. QazAqparat – Qazaqstan AÓІSShK elderine koronavırýsqa qarsy vaktsınamen kómek kórsetýge daıyn. Bul týraly Azııadaǵy ózara is-qımyl jáne senim sharalary keńesi Syrtqy ister mınıstrleriniń 6-kezdesýinde QR Syrtqy ister mınıstriniń orynbasary Aqan Rahmetýllın aıtty, dep habarlaıdy QazAqparat tilshisi.


«COVID-19 pandemııasy jappaı juqtyrý qaýpi men bakterıologııalyq qarýdyń talqandaýshy kúshiniń jetkilikti deńgeıde baǵalanbaı otyrǵandyǵyn aıqyn kórsetip berdi. Bul turǵyda vaktsınalarǵa jahandyq qoljetimdilikti keńeıtý qajet», - dedi QR Syrtqy ister mınıstriniń orynbasary.

Osy rette Aqan Rahmetýllın Qazaqstan QazVac vaktsınasyn daıyndaǵandyǵyn basa aıtty.

«Onyń tıimdiligi men joǵary standarttarǵa saı keletindigin kásibı medıtsınalyq qoǵamdastyq naqtylap otyr. Taǵy eki vaktsına ázirlený satysynda tur. Biz vaktsına satyp alý barysynda qıyndyqtarǵa tap bolyp otyrǵan Azııadaǵy ózara is-qımyl jáne senim sharalary keńesine múshe memleketterge kómek berýge daıynbyz», - dedi ol.


Joǵary qaraı