Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aptap, naızaǵaı, shańdy daýyl: 22 shildege arnalǵan aýa raıy

2021 jyldyń 22 shilde 2021 01:56

NUR-SULTAN. QazAqparat - 22 shilde kúni Qazaqstan aýmaǵyndaǵy aýa raıynda aıtarlyqtaı ózgeris bolmaıdy, dep habarlaıdy QazAqparat «Qazgıdrometke» silteme jasap.

Atmosferalyq fronttarǵa baılanysty elimizdiń basym bóliginde jańbyr jaýady, naızaǵaı oınaıdy.

Ońtústik-shyǵystyń jáne shyǵystyń keı jerlerinde burshaq kútiledi. Respýblıka boıynsha keı jerlerde jel kúsheıedi.

Ońtústikte jáne ońtústik-shyǵysta shańdy daýyl soǵady. Soltústikte jáne ońtústik-batysta jaýyn-shashyn jaýmaıdy. Soltústikte túngi jáne tańǵy ýaqytta tuman túsedi.

Shyǵys Qazaqstan, Qaraǵandy oblystarynyń keı jerlerinde jel ekpini 15-20 m/s deıin kúsheıedi, Shyǵys Qazaqstan oblysynyń keı jerlerinde kúndiz burshaq jaýady.

Jambyl oblysynda, kúndiz Qyzylorda oblysynyń keı jerlerinde jel qarqyny - 15-20 m/s. Shańdy daýyl soǵady. Jambyl oblysynyń taýly adandarynda kúndiz burshaq jaýady.

Almaty, Batys Qazaqstan, Qostanaı oblystarynyń keı jerlerinde jel jyldamdyǵy 15-20 m/s jetedi.

Qostanaı oblysynyń keı jerlerinde daýyl turady. Soltústik Qazaqstan oblysynyń keı jerlerinde túnde jáne tańerteń tuman túsedi.

Kúndiz Aqtóbe, Atyraý, Batys Qazaqstan, Mańǵystaý oblystarynyń basym bóliginde aptap ystyq saqtalady.

Almaty, Jambyl, Qostanaı oblystarynda, Qaraǵandy oblysynyń ońtústiginde qatty ystyq bolady.

Qyzylorda, Túrkistan, Mańǵystaý, Jambyl oblystarynyń basym bóliginde, Almaty, Atyraý, Batys Qazaqstan, Aqtóbe, Qostanaı, Qaraǵandy, Aqmola oblystarynyń keı jerlerinde, Shyǵys Qazaqstan oblysynyń ońtústiginde tótenshe órt qaýpi saqtalady.

Basty sózder: Qazgıdromet, Aýa raıy,
Joǵary qaraı