Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aptap ystyq, jańbyr, kúshti jel – sársenbige arnalǵan aýa raıy

2021 jyldyń 9 maýsym 2021 00:24

NUR-SULTAN. QazAqparat - 9 maýsymda, sársenbi kúni elimizde aptap ystyq bolyp, keı jerlerde jańbyr nemese burshaq jaýady, jel kúsheıedi, dep habarlaıdy QazAqparat Qazgıdrometke silteme jasap.

Sınoptıkterdiń boljaýynsha, búgin ońtústik tsıklonnyń atmosferalyq bólikter áli de Qazaqstannyń basym bóliginde óz yqpalyn saqtaıdy. Sondyqtan naızaǵaıly jańbyr jaýady, keı jerlerde burshaq jaýady, daýyldy jel soǵyp, ońtústikte shańdy daýylǵa aınalady, soltústikte túnde jáne tańerteń tuman túsýi yqtımal.

Túrkistan, kúndiz Qyzylorda oblystarynyń keı jerlerinde shańdy daýyl soǵady, jeldiń jyldamdyǵy 15-23 m/s jetedi, Túrkistan oblysynda daýyldy jel kúndiz 26 m/s deıin kúsheıedi.

Shyǵys Qazaqstan oblysynyń keı jerlerinde qatty jel turyp, jyldamdyǵy 15-20 m/s, kúndiz ekpini 25 m/s jetedi, kúndiz keı jerlerde burshaq jaýýy yqtımal.

Qaraǵandy oblysynyń keı jerlerinde daýyl soǵady, burshaq jaýady, kúndiz jel 15-20 m/s kúsheıýi múmkin.

Aqmola, Almaty oblystarynyń keı jerlerinde jel 15-20 m/s kúsheıedi, kúndiz Aqmola oblysynyń keı jerlerinde, Almaty oblysynyń taýly aımaqtarynda burshaq jaýýy yqtımal.

Jambyl, Aqtóbe, Pavlodar, kúndiz Qostanaı oblysynyń keı jerlerinde jel 15-20 m/s kúsheıedi.

Atyraý, Batys Qazaqstan oblystarynyń keı jerlerinde burshaq jaýýy yqtımal. Soltústik Qazaqstan oblysynyń keı jerlerinde túnde jáne tańerteń tuman túsýi múmkin.

Kúndiz Jambyl oblysynyń basym bóliginde, Almaty oblysynyń keı jerlerinde qatty ystyq bolady.

Qyzylorda, Jambyl, Túrkistan, Aqtóbe, Qaraǵandy oblystarynyń basym bóliginde, Almaty, Qostanaı, Aqmola oblystarynyń keı jerlerinde, Pavlodar, Shyǵys Qazaqstan oblystarynyń jekelegen aýdandarynda órt qaýipi óte joǵary.


Basty sózder: Aýa raıy, Qazgıdromet,
Joǵary qaraı