Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Aral teńizine tikushaq arqyly saıahat uıymdastyrý josparlanyp otyr

2020 jyldyń 12 qazan 2020 12:21

TAShKENT. ÓzA-QazAqparat – Aral teńizine ushaq jáne tikushaq arqyly saıahat uıymdastyrý josparlanýda. Osy maqsatta Moınaqta tikushaq qonatyn jańa alań salyndy, dep habarlaıdy QazAqparat Ózbekstannyń ÓzA ulttyq aqparat agenttigine silteme jasap.

Moınaq aýdany ákimdigi baspasóz qyzmetiniń habarlaýynsha, tikushaqpen Aral teńiziniń akvatorııasyna, Qyzyljar aýylynyń aýmaǵyndaǵy jylyjaılarǵa, Qazaqdarııa aýylyndaǵy sharýashylyq keshenderine saıahattaýǵa múmkindik bar.

Qazirgi ýaqytta bul aýdandarda tikushaqqa arnalǵan ushý jáne qoný jolaǵy ashylǵan.

Aral teńizine saıahat uıymdastyrýmen aınalysatyn kásipkerlerdiń aıtýynsha, Aral teńizi men Ústirtke ushaq nemese tikushaq arqyly saıahattaý úshin Moınaq aýdanynan ushqan jón.

Bul týrısterdiń ýaqytyn únemdeıdi ári qosymsha shyǵyn bolmaıdy.

Eske sala keteıik, 300 mlrd sýmǵa jańadan salynǵan «Moınaq» áýejaıy jaqynda ashylǵan bolatyn. Oǵan alǵash AIRBUS A-320 áýe kemesi qonǵan edi.



Avtor Álıhan Asqar
Basty sózder: Týrızm, Aral, Ózbekstan,
Joǵary qaraı