Aýa raıy
Astana -1 °S
Almaty 2 °S
valıýta baǵamy
USD 389.86
EUR 435.32
RUB 6.12
CNY 55.12

Araldaǵy balyqtyń jappaı qyrylý sebebi anyqtaldy

2019 jyldyń 22 qyrkúıek 2019 15:14

ARAL. QazAqparat - Qyzylorda oblysy Aral aýdanynyń Toqpan kólinde balyq shabaqtarynyń qyrylý sebebi belgili boldy, dep habarlaıdy QazAqparat tilshisi.

Qyzylorda oblystyq orman sharýashylyǵy jáne janýarlar dúnıesi aýmaqtyq ınspektsııasynyń basshysy Ǵalymjan Oraqbaevtyń aıtýynsha, shabaqtardyń qyrylyp qalýyna aýa raıynyń kúrt ózgerýi sebep bolǵan. ıAǵnı, «termoklın» jaǵdaıy týyndap, sý quramyndaǵy ottegi quramynyń mólsheri ózgergen. Nátıjesinde shabaqtardyń jappaı qyrylý jaǵdaıy tirkelgen.

«Qazirgi tańda mundaı jaǵdaılardy boldyrmaý sharalary qolǵa alynyp, qalǵan balyq shabaqtaryn qutqarý jumystary júrgizilýde. Jáne olardy bekitilgen sý aıdyndaryna jiberý jumystary uıymdastyryldy», - dedi ınspektsııa basshysy Ǵalymjan Oraqbaev.

Saraptama qorytyndysyn júrgizgen mamandar bul sońǵy 5 jyl ishinde tirkelmegen jaǵdaı ekenin aıtýda.

Eske salsaq, budan buryn Aral aýdany Toqpan kólinde balyq shabaqtarynyń qyrylý jaǵdaıy týraly habarlaǵan bolatynbyz.


Avtor Ádiljan Úmbet
Basty sózder: Qyzylorda oblysy, Aral, Ekologııa,
Joǵary qaraı