Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Araldaǵy sý tapshylyǵy problemasy qalaı sheshilip jatyr

2021 jyldyń 16 qyrkúıek 2021 21:00

QYZYLORDA. QazAqparat - Aral aýdanyndaǵy Aspaı sý aǵytqysyn iske qosý arqyly Qamystybas-Aqshataý kólder júıesine sý jetkizile bastady, dep habarlaıdy QazAqparat tilshisi.

Bıyl Aral óńirinde jaýyn-shashynnyń az tústi. Kún qabaǵy qalyptan tys ystyq boldy. Oǵan qosa Syrdarııada sýdyń tómen deńgeıi keri áserin tıgizdi. Saldarynan osy jyldyń jazynda Aral aýdany qýańshylyqqa ushyrady. Sońǵy 4 jylda Qamystybas jáne Aqshataý kólder júıesine Syrdarııa ózeninen sý kelip túsken joq.

Kól júıesindegi sýdyń jetispeýshiligi jaqyn mańdaǵy jaıylymdyq jáne shabyndyq jerlerdiń jaǵdaıyna keri áser etti.
Aral aýdany ákimdiginiń baspasóz qyzmetiniń málimetinshe, Aspaı sý aǵytqysyn iske qosý arqyly Qamystybas-Aqshataý kólder júıesine sý barýda. Sý aǵytqysyn qalpyna keltirýge Bolat Ótemuratov qory qarajat bóldi.
«Shuǵyl túrde qurylǵan jumys toby Qamystybas jáne Aqshataý kólderine sýdyń kelýin qamtamasyz etý úshin Aspaı sý aǵytqysyn qaıta qurý qajettiligin anyqtady. Tekserý júrgizilgennen keıin aqaýlar týraly hattama jasaldy. Oǵan Bolat Ótemuratov qorynyń tarapynan ýaqtyly qarjylyq qoldaý kórsetildi. Nátıjesinde sý aǵytqysyn jóndeý týraly shuǵyl sharalar qabyldandy. Ol óz nátıjesin berdi. Kólderdegi sý deńgeıi birtindep kóterilip keledi. Sý aǵytqysyna tirelgen artyq sý darııa arnasy arqyly Kishi Aral teńizine quıady», - dedi Aral aýdanynyń ákimi Serik Sermaǵambetov.
Atqarylǵan jumys nátıjesinde kólderge jalpy aýdany 27 myń gaektar jýyq sý kelip tústi. Bul balyq sharýashylyǵyn qalpyna keltirýge, 7150 gektar shabyndyq jerlerdi sýarýǵa jáne jemshóp daıyndaýǵa jol ashty. Oǵan qosa 12900 ga jaıylymdyq jerlerge mal jaıýǵa jáne 115 gektar egistikke múmkindik týdy.
Esterińizge sala keteıik, osy jyldyń shilde aıynda Qyzylorda oblysynyń Aral aýdanyndaǵy qýańshylyqqa baılanysty tótenshe jaǵdaı jarııalanǵan bolatyn. Qurǵaqshylyqtyń saldarynan 600-ge jýyq mal qyryldy.






Joǵary qaraı