Aýa raıy
Astana -19 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Árbir segizinshi qazaqstandyq volonterlik sharaǵa qatysqan

2020 jyldyń 25 qarasha 2020 17:45

NUR-SULTAN. QazAqparat – Qazaqstanda bir jylda respýblıkalyq ortalyqtar arqyly 140 myńnan astam volonter eńbekke tartyldy. Árbir segizinshi qazaqstandyq qandaı da bir volonterlik qyzmet túrine atsalysqan. Bul týraly «Birgemiz» respýblıkalyq eriktiler front-keńsesiniń basshysy Tatıana Mıronıýk IX Azamattyq forýmda aıtty, dep habarlaıdy QazAqparat tilshisi.

«Bıyl Volonter jyly jarııalandy jáne «Birgemiz» respýblıkalyq front-keńsesi quryldy. Keńse biryńǵaı alań retinde respýblıka boıynsha eriktiler leginiń qyzmetin retteıdi. Bul bir ǵana ortalyq emes, barlyq óńirlerde ishki saıasat basqarmalary janynan óńirlik ortalyqtar qurylǵan (...) Óńirlik ortalyqtardyń derekterine súıensek, bir jylda respýblıka boıynsha 140 myńnan astam volonter tartylǵan. Beıresmı derek boıynsha, árbir segizinshi qazaqstandyq qandaı da bir volonterlik qaıyrymdylyq sharaǵa qatysqan», - deıdi Tatıana Mıronıýk.

Sonymen birge, spıker pandemııa men qatań karantındik sharalar kezinde respýblıkalyq keńse men eriktiler uıymdarynyń ýaqytyly jáne jedel kómek kórsetý úshin óz qyzmetin qaıta qurǵanyn aıtty.

«Biz bir resýrstardy bólýde, eriktilerdi jeke qorǵanys quraldarymen qamtamasyz etýde tikeleı kómek kórsettik. Máselen, bir ǵana respýblıkalyq ortalyq qajetti kómektiń 180 mln-nan astam qosymsha resýrstaryn taratýǵa kómektesti», - deıdi T.Mıronıýk.

Aıta keteıik, 2020 jyl QR Prezıdenti Qasym-Jomart Toqaevtyń Jarlyǵymen Volonter jyly dep jarııalandy. Elimizde 290-ǵa jýyq volonterlik uıym jáne 50 myńnan astam belsendi eriktiler jumys isteıdi.


Joǵary qaraı