Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Arheolog Mańǵystaý mýzeıine 200 jyldyq tarıhy bar jádiger tabystady

2021 jyldyń 13 qyrkúıek 2021 11:18

AQTAÝ. QazAqparat - Arheolog Mańǵystaý mýzeıine 200 jyldyq tarıhy bar jádiger tabystady, dep habarlaıdy QazAqparat tilshisi.

Tanymal arheolog Andreı Astafev osydan 200 jyldan astam ýaqyt buryn Kaspıı teńizinde júrgen kemeniń bekitkish burandalary men shegelerin taýyp aldy.

Mańǵystaý oblysy ákimi baspasóz qyzmetiniń habarlaýynsha, tarıhı jádiger Túpqaraǵan aýdanyna qarasty «Túlkili saı» jerindegi teńiz jaǵalaýynda kómilip jatqan.

Arheologtyń málimetinshe, keme HVIII ǵasyrdyń aıaǵynda Kaspıı teńizinde júzip júrgen jerinen apatqa ushyraǵan.




Sý quralynyń aǵash shantaǵyn sý shaıyp ketkenimen, temir buıymdar teńiz túbinde shógip qala bergen.

Jyldar óte teńiz deńgeıiniń ózgerýimen qurlyqqa shyǵyp, arheolog qazyp alǵansha boı kórsetpegen.




Andreı Astafev bul oljasyn Ábish Kekilbaıuly atyndaǵy Mańǵystaý oblystyq tarıhı-ólketaný mýzeıiniń qoryna ótkizdi.




Arheologtyń mýzeıge tabystaǵan syılyǵy bul ǵana emes.

Qaraqabaq qalashyǵyna arheologııalyq qazba jumystaryn júrgizý kezinde úńgirge tap bolyp, onyń ishinen kendir arqan men arqanǵa baılanǵan ilmekter tapqan.




Kemege qatysty zattar ekeni kórinip tur. Kemi bir ǵasyr buryn ázirlense de, qurǵaq jerde jatqandyqtan jaqsy saqtalǵan.


















Joǵary qaraı