Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Arhımed Muhambetov Qostanaı oblysynda et óńdeıtin kásiporyndar týraly aıtyp berdi

2021 jyldyń 3 jeltoqsan 2021 18:41

NUR-SULTAN. QazAqparat – Qostanaı oblysynyń ákimi Arhımed Muhambetov óńirdegi et óńdeıtin kásiporyndar týraly aıtyp berdi, dep habarlaıdy QazAqparat tilshisi.

Onyń aıtýynsha, óńirde qýaty jylyna 20 myń tonna et óńdeıtin et óńdeý kesheniniń qurylysy aıaqtalýda, sonyń arqasynda oblysqa et ónimderiniń ımportyn tómendetý josparlanýda («BEEF EXPORT GROUP» jaýapkershiligi shekteýli seriktestigi, 7,2 mlrd teńge, 184 jumys orny, Qostanaı qalasy).

Budan bólek, «Terra» seriktestigi qýaty 7,7 myń tonna et óńdeıtin keshen saldy (900 mln teńge, 95 jumys orny). Osy jobalardy iske asyrýdyń arqasynda sharýa jáne qosalqy sharýashylyqtardyń oblystyń iri qaıta óńdeýshilerimen kooperatsııasynyń jandanýyn eskerilip otyr.

Sonymen qatar ákim Arqalyq qalasyndaǵy jobaǵa toqtaldy.

Onda elevator, qurama jem zaýyty kiretin astyqty qaıta óńdeý keshenin iske asyrýdy júrgizip jatyr, sondaı-aq «Arqalyq Aıdar» JShS 5 myń basqa arnalǵan bordaqylaý alańynan jáne 2,5 myń basqa arnalǵan reprodýktordan turatyn mal sharýashylyǵy kesheni saldy.

Jobany iske asyrý Arqalyqta et óńdeý boıynsha tuıyq tsıkldi qamtamasyz etýge múmkindik beredi.

Sútti baǵyttaǵy mal sharýashylyǵyn odan ári damytý

úshin 3 baǵyt boıynsha ınvestıtsııalyq jobalardy iske asyrý josparlanýda:

- árqaısysynyń syıymdylyǵy 1 200 bas iri qara mal bolatyn, jylyna 45,5 myń tonna sút óndiretin 7 taýarly-sút fermasynyń qurylysy (48,6 mlrd teńge, 583 jumys orny);

- Qostanaıda sút ónimderin (sút, aıran, ıogýrt, rıajenka jáne basqa da ónimder), sondaı-aq qýaty táýligine 240 tonnadan asatyn balalar taǵamyn óndirý boıynsha zaýyt qurylysy;

- «1 000 otbasylyq ferma» baǵdarlamasy – bul aýyl halqyn mal sharýashylyǵyna tartý, aýylda jumyspen qamtamasyz etý, kooperatsııa qurý (62 mlrd teńge, 600 jumys orny).


Joǵary qaraı