Aýa raıy
Astana -8 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Arhıv qyzmetkerleri eńbekaqysyn kóterýge 2,8 mlrd teńge qaralǵan

2020 jyldyń 29 qarasha 2020 18:00

NUR-SULTAN. QazAqparat – QR Úkimet basshysy Asqar Mamın ulttyq arhıv qoryn qalyptastyrý men saqtaýǵa qatysty atqarylatyn sharalar týraly aıtyp berdi, dep habarlaıdy QazAqparat tilshisi.

«Úkimet zamanaýı arhıv qyzmetin qurýǵa erekshe nazar aýdaryp otyr. Osy baǵyttaǵy mamandyqtyń mártebesin kóterý úshin bıylǵy qańtardan bastap 2 myńnan astam arhıv qyzmetkeriniń eńbekaqysyn kóterdik. Respýblıkalyq arhıv qyzmetkerleriniń jalaqysy - 50 paıyzǵa, óńirlik arhıv qyzmetkeriniń jalaqysy - 35 paıyzǵa ósti. Bul maqsatqa 2020-2022 jyldardaǵy respýblıkalyq bıýdjetten 2,8 mlrd teńge qarastyryldy» delingen Asqar Mamınniń senatorlardyń depýtattyq saýalyna bergen jaýabynda.

Úkimet basshysynyń aıtýynsha, «Tsıfrlyq Qazaqstan» memlekettik baǵdarlamasy aıasynda «Elektrondy qujattardyń biryńǵaı arhıvi» aqparattyq júıesin qurý jumysy atqarylyp jatyr.

Osy júıeni iske qosý memlekettik arhıvterdiń jumysyn tolyqtaı avtomattandyrýǵa, elimizdiń ulttyq arhıv qorynyń elektrondy qujattaryn uzaq merzimde saqtaýǵa múmkindik beredi.


Joǵary qaraı