Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Armenııa prezıdenti elde qalyptasqan jaǵdaıǵa baılanysty halyqqa úndeý jarııalady

2021 jyldyń 25 aqpan 2021 22:36

EREVAN. QazAqparat – Armenııa prezıdenti Armen Sarkısıan memlekette qalyptasqan jaǵdaıǵa baılanysty respýblıka halqyna úndeý jarııalady, dep habarlaıdy QazAqparat «Armenpress» agentigine silteme jasap.

«Elde qıyn jaǵdaı týyndady. Onyń saldary memleketimizdiń bolashaǵyna qaýip tóndiredi. Armenııada áskerı jaǵdaı jarııalandy. Men memleketimizdiń barlyq kúsh qurylymdaryn, saıası kúshterdi, azamattardy jaǵdaıdy salmaqty baǵalap, aqylǵa kelýdi suraımyn. Qazir oılanbaı aıta salǵan kez kelgen sóz jaǵdaıdy odan saıyn ýshyqtyra túsedi. Barlyǵyńyzdy qyraǵy bolýǵa shaqyramyn»,-dedi el basshysy.

Armenııada osy kezde saıası jaǵdaı shıelenisip tur. Tań ata Armenııa astanasynyń ár bóliginde tártipsizdikter bolyp, turǵyndar el Premer-Mınıstri Nıkol Pashınıannyń qyzmetinen ketýin talap etti. Demonstranttar birqatar qala kóshelerin jaýyp tastady.

AR Qarýly Kúshteriniń Bas shtaby málimdeme jasap, onda Bas shatabtyń birinshi orynbasary Tıran Hachatrıannyń qyzmetinen ketýine qarsy ekendikterin aıtty.

Armenııa Premer-Mınıstri Nıkol Pashınıan AR QK Bas shtabtyń málimdemesin áskerı tóńkeris dep baǵalap, óziniń jaqtastarynyń barlyǵyn alańǵa shyǵýǵa shaqyrdy.


Avtor Aıdar Ospanalıev
Basty sózder: Álem, Oqıǵa,
Joǵary qaraı