Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Armenııalyq kólik Qyzylordada 28 ret jyldamdyq asyryp, vıdeokameraǵa túsken

2022 jyldyń 19 sáýir 2022 01:16

QYZYLORDA. QazAqparat - Qyzylorda oblysynda Armenııada tirkeýde turǵan kólik júrgizýshisi 28 ret jyldamdyq asyryp, jarty mıllıon teńgeden astam somaǵa aıyppul tóleýge jazalandy, dep habarlaıdy QazAqparat tilshisi.

Qyzylorda oblysy Polıtsııa departamenti ákimshilik polıtsııa basqarmasynyń qyzmetkerleri Armenııa memleketinde tirkeýde turǵan «Hyundai Sonata» avtokóligin toqtatty. Tekserý barysynda 42 jastaǵy júrgizýshiniń kólik quralyn esh qujatsyz basqarǵany anyqtaldy.

«QR Ákimshilik quqyq buzýshylyq týraly kodeksiniń 230-baby 2-bóligimen ákimshilik hattama rásimdeldi. Avtokólik aıyp alańyna qoıyldy.

Sondaı-aq kóliktiń «Arkan» statsıonarly jyldamdyq ólshegish qurylǵysyna jyldamdyq rejımin buzǵany úshin 28 márte túskeni belgili boldy. Bul boıynsha QR Ákimshilik quqyq buzýshylyq týraly kodeksiniń 592-baby 1-shi jáne 2-shi bólikteri boıynsha uıǵarym shyǵarylǵan. Atalǵan avtokóliktiń júrgizýshisine 520 myń 710 teńge somasynda aıyppul salyndy», - dedi departamentten.

Vedomstvo málimetinshe, avtokóliktiń mindetti saqtandyrý polısi joq. Quqyq buzýshy jóninde derekter bazasynda málimet tirkelmeýine baılanysty aıyppul jóninde der kezinde habarlaýǵa múmkindik bolmaǵan.

Eske salsaq, budan buryn Qyzylordada 230 km/saǵ jyldamdyqpen kólik aıdaǵan júrgizýshi jazaǵa tartyldy.


Joǵary qaraı