Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Armııa drondy anyqtaıtyn radarmen jabdyqtaldy

2020 jyldyń 8 qarasha 2020 15:01

NUR-SULTAN. QazAqparat - Qazaqstannyń armııasy belarýs elinde shyǵarylǵan mobıldi «Rosa-RB-M» keshenimen jaraqtaldy, dep habarlaıdy QazAqparat.

Atalǵan keshendi áskerlerde synaǵanda shaǵyn bıiktiktegi nysanalardy anyqtaý barysynda joǵary tıimdilik kórsetti.

«Rosa-RB-M» shaǵyn bıiktiktegi nysanalardy tez arada anyqtaıtyn utqyr radıolokatsııalyq kesheni Qazaqstannyń áýe shabýylyna qarsy qorǵanys áskerlerine keldi. Avtomatty anyqtaý, tómen ushatyn apparattardy súıemeldeý jáne aqparatty avtomattandyrylǵan basqarý júıesine berý úshin qoldanylady.

Radardyń basty ereksheligi – onyń joǵary utqyrlyǵynda, alys uzaqtyqqa qımyldaýynda (120 shaqyrymǵa deıin), bir sátte 50 shaqyrymǵa deıingi radıýsta jerden bir metr bıiktegi nysandardy anyqtaı alady. «Rosa» ózin ushaqtardy, ushqyshsyz ushý qurylǵylary men barynsha alasa ushaty qanatty zymyrandardy joǵary dáldikpen tabatynyn kórsetip úlgerdi.

Budan ózge, qondyrǵy avtomattandyrylǵan, joǵary radıolokatsııalyq baılanysyn jasyra alady jáne bir aı úzdiksiz, óshirilmeı jumys isteı alady. Bul atalǵan keshendi anaǵurlym álemdik tehnologııalyq úlgiler ishindegi úzdikterdiń qataryna shyǵarady.

Eske sala ketsek, Qazaqstan armııasy qoldanatyn «SkyLark» taktıkalyq apparaty, «WingLoong» barlaý-soqqy berý kesheni tanystyrylǵan edi.


Basty sózder: Ásker, QR Qorǵanys mınıstrligi,
Joǵary qaraı