Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Arnaıy ekonomıkalyq aımaqtar qyzmettiń qosymsha túrlerimen aınalysa alady

2022 jyldyń 20 qańtar 2022 09:33

NUR-SULTAN. QazAqparat - Indýstrııa jáne ınfraqurylymdyq damý mınıstrligi 2021 jyly respýblıkanyń birqatar arnaıy ekonomıkalyq aımaqtary úshin qyzmet túrleriniń tizbesin keńeıtti, dep habarlaıdy QazAqparat.

Bul syrtqy ekonomıkalyq baılanystardy jandandyrý, ekonomıkany qoldaý jáne óńirlerdiń áleýmettik problemalaryn sheshý, arnaıy ekonomıkalyq aımaqtardyń (budan ári – AEA) jumysyna ınvestıtsııalar, tehnologııalar men qazirgi zamanǵy menedjmentti tartý úshin jasaldy.

Ótken jyly «Aqtaý teńiz porty» arnaıy aımaǵynyń qyzmet túrleri keńeıtildi.

Endi atalǵan AEA mynadaı jobalarmen aınalysa alady: jylý elektr stantsııalarymen elektr energııasyn óndirý; elektr energııasyn berý jáne taratý; turǵyn jáne turǵyn emes ǵımarattar qurylysy; qonaq úıler jáne turýǵa arnalǵan oryndar qyzmetterin usyný; jeke nemese jalǵa alynǵan jyljymaıtyn múlikti jalǵa alý jáne basqarý; demalys pen oıyn-saýyqty uıymdastyrý boıynsha qyzmetter.

Qarqyndy damyp kele jatqan aımaqtardyń biri - «Saryarqa» AEA.

Onda daıyn metall buıymdary men qurylys materıaldary: sharly krandar, jylý oqshaýlaǵysh qubyrlar, otqa tózimdi materıaldar, jezden jasalǵan buıymdar, dirilge jáne otqa tózimdi buıymdar shyǵarylady.


Joǵary qaraı