Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

قازاقستاندا ەكىنشى دۇنيەجۇزىلىك سوعىس باتىرلارىنا ارنالعان پورتال ىسكە قوسىلدى

2021 jyldyń 6 mamyr 2021 12:30

نۇر-سۇلتان. قازاقپارات - كازاقستاندىق بلوگەرلەر مەن قوعام بەلسەندىلەرى ەكىنشى دۇنيەجۇزىلىك سوعىس باتىرلارىنا ارنالعان پورتالدى ىسكە قوستى، دەپ حابارلايدى قازاقپارات.

قازاقستاندىق بلوگەرلەر مەن قوعام بەلسەندىلەرى «ماڭگىلىك پولك» اكسياسىن ونلاين فورماتتا وتكىزۋ ءۇشىن پورتال جاساپ شىعاردى. جوبا اتاۋى - «جاۋجۇرەك پولك». جوبا اۆتورلارىنىڭ ىشىندە «ۇلتتىق پىكىرسايىس فەدەراتسياسىنىڭ» پرەزيدەنتى، «Jaqsy Bolady» YouTube ارناسىنىڭ اۆتورى بۇحارباي بولات، تانىمال تەلەجۇرگىزۋشى ماحاببات ەسەن، بلوگەر ياكوۆ فەدەروۆ جانە «Ave adicus» اتتى YouTube ارناسنىڭ اۆتورى اشىربەك ادىلەت.

جوبا اۆتورلارى الەمدىك پاندەمياعا بايلانىستى اكتسيانى وفلاين فورماتتا وتكىزۋ مۇمكىن ەمەس ەكەنىن ەسكەرىپ، سوعىس باتىرلارىنا ونلاين فورماتتا ەرەكشە قۇرمەت كورسەتۋدى ۇيعاردى. بۇل جاي عانا پورتال ەمەس - بۇل ەكىنشى دۇنيەجۇزىلىك سوعىس باتىرلارىنا ارنالعان ماڭگىلىك ەستەلىك البومى. ءبىز سىزدەرمەن بىرگە بوستاندىق ءۇشىن ءوز ومىرلەرىن قيعان، جارقىن بولاشاعىمىز ءۇشىن قان توككەن اتالارىمىزدىڭ ەرلىكتەرىن قۇرمەتتەۋىمىز قاجەت! - دەپ، جوبا اۆتورلارىنىڭ ءبىرى ماحاببات ەسەن ءوز پاراقشاسىندا جازادى.

شاراعا قاتىسۋ ءۇشىن ءوتىنىش پەن باتىرى جايلى اقپاراتتى Qaharman1945.kz سايتىندا قالدىرۋ كەرەك. سونىمەن قاتار، جوبا قازاقستاننىڭ ەكىنشى دۇنيەجۇزىلىك سوعىستاعى ءرولى مەن جەكەلەگەن قازاقستاندىق باتىرلاردىڭ جەتىستىكتەرى تۋرالى باياندايدى. باتىرلار قۇرمەتىنە ارنالعان ونلاين شەرۋ 9-مامىر كۇنى، ساعات 10:00-دە جوبانىڭ الەۋمەتتىك جەلىلەردەگى پاراقشالارىندا وتەدى.


Basty sózder: ايماق,
Joǵary qaraı