Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ورالدا پوليتسيا قىزمەتكەرى ماس كۇيىندە جول اپاتىنا ۇشىرادى

2021 jyldyń 14 maýsym 2021 18:15

ورال. قازاقپارات - ورالدا پوليتسيا قىزمەتكەرى ماس كۇيىندە جول اپاتىنا ۇشىرادى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆتىڭ ءمالىم ەتكەنىندەي، وقيعا 13- ماۋسىم كۇنى ساعات 02.39 دا م. شولوحوۆ پەن ع. قۇرمانعاليەۆ كوشەلەرىنىڭ قيىلىسىندا بولدى. اباي پوليتسيا ءبولىمى جەرگىلىكتى پوليتسيا قىزمەتى ءبولىمىنىڭ باستىعى «فولكسۆاگەن پاسسات» كولىگىمەن اراقاشىقتىقتى ساقتاماي، الدا كەتىپ بارا جاتقان، 33 جاستاعى ايەل جۇرگىزگەن «اۋدي A 4» اۆتوكولىگىمەن سوقتىعىسۋعا جول بەرگەن.

«ەكى جۇرگىزۋشى دە مەديتسينالىق كۋالاندىرۋعا جىبەرىلدى. ساراپتاما قورىتىندىسىنا سايكەس جۇرگىزۋشى ايەل ايىق، پوليتسيا قىزمەتكەرى جەڭىل دارەجەلى ماس كۇيىندە بولعان»، دەدى ب. بەلگىبەكوۆ.

ب. بەلگىبەكوۆتىڭ سوزىنە قاراعاندا، پوليتسيا قىزمەتكەرى 12- ماۋسىم كۇنى كەشكىسىن ۇيىندە ازداعان مولشەردە سپيرتتىك ىشىمدىك ىشكەنىن، سوسىن ۇيىقتاۋعا جاتقانىن ايتقان. ءبىراق ساعات 02.15 تە جۇمىسقا شاقىرتقاننان كەيىن اۆتوكولىك رۋلىنە وتىرعان.

«پوليتسيا قىزمەتكەرىن شىنىندا دا جۇمىسقا شاقىرتقانى انىقتالدى. قازىرگى كەزدە وعان قاتىستى قىزمەتتىك تەكسەرۋ جۇرگىزىلۋدە. سونىڭ قورىتىندىسىنا سايكەس ەڭ قاتاڭ شارا الىناتىن بولادى»، دەدى ب. بەلگىبەكوۆ.

ەسكە سالا كەتەيىك، بۇدان بۇرىن ورالدا اۆتوكولىكتىڭ ايەل ادامدى قاعىپ كەتكەنىن جازعان بولاتىنبىز.

Basty sózder: قوعام, ايماق,
Joǵary qaraı