Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ۆيرۋسپەن كۇرەستىڭ جاڭا جۇيەسى بويىنشا كىمدەر ۇستەمەاقى الادى؟

2021 jyldyń 23 shilde 2021 20:58

نۇر-سۇلتان. قازاقپارات - دەنساۋلىق ساقتاۋ ۆيتسە-ءمينيسترى اجار عينايات جاڭاجۇيە بويىنشا قانداي ساناتتاعى مەديتسينا ماماندارىنىڭ ىندەتپەن كۇرەسكەنى ءۇشىن ۇستەمەاقى الاتىنىن اتادى، دەپ حابارلايدى قازاقپارات ءتىلشىسى.

«بۇل ماسەلەنى مينيسترلىك مەملەكەت باسشىسىنىڭ تاپسىرماسى بويىنشا پىسىقتاپ جاتىر. بۇگىندە بۇيرىقتىڭ جوباسى دايىندالدى. ول بۇيرىق جوباسىندا ۇستەمەاقى الاتىن مەديتسينا ماماندارىنىڭ ساناتى كورسەتىلگەن. بۇل بۇيرىقتىڭ جوباسى قازىر وتە قىزۋ تالقىلانىپ جاتىر. مەديتسينا ۇيىمدارى مەن دەنساۋلىق ساقتاۋ باسقارمالارىنىڭ اراسىندا عانا ەمەس، «اشىق ن ق ا» بازاسىندا دا جاريالانعان»، - دەدى ءمينيستردىڭ ورىنباسارى.

سونداي-اق، ول جاڭا جۇيە بويىنشا COVID ستاتسيونارلارىندا جۇمىس ىستەپ جۇرگەن دارىگەرلەردىڭ بىرنەشە ساتىسى بەلگىلەنگەنىن ءمالىم ەتتى.

«بۇل ساناتتار تىزبەسى كەڭەيتىلدى. ولار: دارىگەر- رەانيماتولوگتار، انەستەزيولوگتار، ينفەكتسيونيستەر، انەستەزيستەر، ەپيدەميولوگتار، پسيحولوگتار مەن باستاپقى مەديتسينالىق-سانيتارلىق كومەكتىڭ الەۋمەتتىك جۇمىسشىلارى، يادرولىق مەديتسينا ورتالىعىنىڭ قىزمەتكەرلەرى، پاتالوگاناتومدار. بۇل مامانداردى ءبىز تىزىمگە وڭىرلەردىڭ ۇسىنىسى بويىنشا ەنگىزدىك. وزگە دە ۇسىنىستاردى كۇتىپ وتىرمىز. ياعني ماسەلە ءالى تالقىلانىپ جاتىر»، - دەدى اجار عينايات.

Joǵary qaraı