Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

قازاقستاننىڭ ەكى وبلىسىندا انىقتالماعان اۋرۋدان مال قىرىلىپ جاتىر

2021 jyldyń 30 shilde 2021 09:17

نۇر-سۇلتان. قازاقپارات - سولتۇستىك قازاقستاندا مال قىرىلىپ جاتىر. مورتىق اۋىلىندا كەيىنگى ايدا بىردەن 16 بۇزاۋ ولگەن.

جانۋارلار ءولىمىنىڭ سەبەبىن انىقتاۋ مۇمكىن بولماي وتىر، ولەكسەسى دەرەۋ ورتەلگەن، - دەپ حابارلايدى «ەۋرازيا ءبىرىنشى ارناسى».

تەلەارنا مالىمەتىنشە، مال دارىگەرلەرى تالداۋعا قان سىناماسىن الىپ ۇلگەرمەگەن، ءبىراق مالدىڭ قىرىلۋ سەبەبى ەمفيزەماتوز كاربۋنكۋلى دەگەن بولجام جاساپ وتىر. وڭىردە بۇل اۋرۋ كوپتەن بەرى بايقالماعان. ينفەكتسيا ءبىرىنشى كەزەكتە اعزاسى جەتىلمەگەن جانۋارلارعا ءقاۋىپتى، ال جاس بولعاندىقتان ەكپە سالۋعا بولمايدى ەكەن. جازدىڭ اپتابى دا تەرىس ىقپالىن تيگىزگەن بولۋى مۇمكىن.

مال اقمولا وبلىسىندا دا قىرىلعان. ازات جانە قارابۇلاق اۋىلدارىندا 500 دەن اسا باس ءىرى قارا اۋىرىپ، ونعا جۋىق مال ولگەن. تەلەارنا جۋرناليستەرىنىڭ ايتۋىنشا، مال دارىگەرلەرى بۇعان تاعى دا اپتاپتى كىنالاپ وتىر. ولاردىڭ پىكىرىنشە، قۇرعاق ءشوپ سيىرلاردىڭ اۋىز قۋىسىن جاراقاتتاپ، سوسىن ول ستوماتيتكە ۇلاسادى. بۇل مالعا اۋىر تيەتىن، ولىمگە اكەپ سوعاتىن اۋرۋ ەكەنى ايتىلادى.

Basty sózder: ايماق,
Joǵary qaraı